Racom Maubisse, 06/2022, Administrador Municipiu Ainaro, hamutuk ho Protesaun Sivil, Bombeiros,CVTL, Administrador Posto Maubisse, Chefe Suco Maulau, Chefe Aldeia Tarabula, komemora loron 4 fulan Abril 2022, liu husi sunu lilin a vitima nain lima no fahe aihan nececidade basiku ba familia uma kain 5 iha aldeia Tarabula Maubisse hodi hanoin hikas fali, ema nain lima ne’e rai hakoi iha dia 4 de Abril tinan kotuk2021.
Ba Radio Komunidade Maubisse Mauloko, Administrador Municipiu Ainaro, Leovigildo Pereira, haktuir katak;
“Objektivu husi vijita ida ne’e mak atu hanoin hikas fali tinan ida akontecimentu dezastre naturais ne’ebe akontese iha ne’e, halakon ema nain lima iha Aldeia Tarabula Suco Maulau Maubisse, ne’ebe kompostu husi aman inan no oan nain tolun”.
Lider maksimu Municipiu Ainaro ne’e hatutan liu tan katak;
Iha vijita ida ne’e ami la lori buat ida so ami lori deit mak lilin no supermi, fos, mina, ho tan nececidade basiku selun, nune’e bel tulun familia vitima nian iha ne’e hodi bele hader aifunan nune’e bele hanoin hikas sira nain hira ne’ebe mate ne’e”.
Tamba ne’e administrador ne’e husu atu populasaun sira iha fatin tarabula katak wainhira udan maks no anin boot labele dukur e matan moris neon nain nune’e labele akontese tan desastre nebe hanesan tinan kotuk liu ba.
Relasiona ho vijita Administrador Municipiu Ainaro ho nia komitiva inklui Administrador Posto Maubisse, ba Radio Komunidade Maubisse Mauloko, Chefe Suco Maulau, Domingos Mendonca hateten katak;
“Ho akontesimentu ne’ebe akontese iha dia 4 de Abril liu ba fanu ema hotu iha momentu ne’eba hodi hakat-an mai fo apoia soliedaridade, e la to’o iha ne’e deit inklui autoridade municipal Ainaro mos fo apoiu, e ohin dia 6 de Abril 2022, Administrador Municipiu Ainaro ho nia ekipa hamutuk mos ho Administrador Posto Maubisse mos marka prezensa iha ne’e hodi komemora loron 4 fulan abril ne’ebe rai hakoi ema nain liam iha ne’e, o ida ne’e lori komunidade Suco Maulau Aldeia Tarabula e especial familia vitima nian hato’o obrigadu no agradece ba Nain ulun sira ne’ebe ohin mai hamutuk ho ami hodi hanoin hikas familia familia nain lima ne’ebe mate iha fatin ne’ kauza husi rai halai”.
Timor Leste iha tinan 2021 hasoru dezastre bo’ot ne’ebe halakon ema barak nia vida, inklui Posto Administrativu Maubisse, ne’ebe halakon mos nia ema hamutuk nain 9, iha maulau Nain lima iha aituto 3 no ida mate iha dili ho tara-an.
Tamba ne’e husu atu komunidade sira wainhira udan bo’ot labele hela iha uma no buka fatin seguru hodi salva –an, ita nia vida iha ita nia liman rasik.
Jornalista : Natalino Mendonca
Editor : Joaquim de Fatima
