Racom Maubisse, 30-31/ Marsu 2022, Centro Nacional Chega!I.P liu hosi Divizaun Relasaun Externa, Komunikasaun Advokasia (DREKA) servisu hamutuk ho Konsellu Imprensa (KI) oferese formasaun Jornalizmu ba Paz kona-ba Promove no Proteze Direitus Umanus Hodi Kontribui ba Paz no Estabilidade Iha Rai Laran. Objetivu husi formasaun ne’e mak atu hasa’e jornalista sira nia koñesimentu kona-ba prinsípiu Peace Journalism hodi evita prodúz notisia sensasionál no provokativu ne’ebé la kontribui ba Paz no Estabilidade iha rai laran.

Ba Radio Komunidade Maubisse mauloko, Jestor Radio Radio Komunidade Maubisse mauloko, ne’ebe hanesan uma nainhateten katak;

“Ho Formasaun ne’ebe Organiza husi Centro Nasional Chega! I.P. servisu hamutuk ho Konselho Imprensa Timor Leste mai hau sente orgulho, tamba CNC bele hili Maubisse sai hanesan Fatin uniku hodi realiza formasaun Jornalismu ba Paz, tamba ne’e hanesan Jestor Radio e mos hanesan uma nain hodi servisu hamutuk ho CNC nune’e bele realiza formasaun ne’e hau sente kontente tebes.”

“Nia hatutan liu tan katak, formasaun sira hanesan ne’e labele para deit maibe husu atu kontinua nafatin maske la iha ona maubisse maibe bele mos iha fatin seluk”.

Formasaun ne’e, abertura husi Diretór Ezekutivu Centro Chega!, Hugo Maria Fernandes no halo mós aprezentasaun materia kona-ba Introdusaun Chega! no Jornalizmu ba Paz. Formasaun la’o durante loron rua no fasilita husi profesionais média husi Konsellu Impresa (KI) Alberico da Costa Junior no Maria Bibel.

Partisipante sira husi formasaun ne’e, mai husi jornalista jornál Independete, Timor Post, Dili Post, STL, Televizaun mak RTTL E.P, TVE, Gardamor TV, online mak hanesan Lafaek News, Tatoli I.P, Smnews, Naunil, Loluwari, Oecusse Post no Radiu Komunidade sira ho totál 36.

Jornalista             :  Natalino Mendonca

Editor                    : Joaquim de Fatima Coutinho