Racom Maubisse, 03/24/2022, MSSI Munisipiu Ainaro Sosializa Programa Bolsa Da Mae-Jerasaun Foun “Subsidiu ba Inan Isin-Rua no ba Labarik sira (0-3)” Iha Posto Administrativu Maubisse, Municipiu de Ainaro, participa iha program sosializasaun bolsa da mae ba jerasaun foun ne’e halao iha Salaun Administrasaun Posto Administrativu de Maubisse, no hetan participasaun husi representante administrador Posto Maubisse Xisto Alves Lemos, Chefe do suco, chefe de aldeias, Saude nomos instituisaun relevante balun iha Posto maubisse Municipiu Ainaro.
Ba Radio Komunidade Maubisse Mauloko, Xefe Suku Liurai Maubisse, Antonia da Graca de Araujo haktuir katak ho sosializasaun konaba progarama bolsa da mae ba jerasaun foun sira sei lao ho diak, tamba ne’e nia rekomenda ba MSSI Municipiu Ainaro ho Nasional katak;
“Programa nee diak, maibe tenki halo sosializasaun para nunee atu fo sai iha baze oinsa maka komunidade bele asesu ba programa nebe maka MSSI halo ona e ha’u hanoin atividade ne’e lao tanba aprova ona iha lei, maibe tanba oras nee daudaun informasaun komunidada seidauk rona, hanoin sosializaaun primeiru nee ami bele fahe ba komunidade sira liu husi xefi aldeia ho xefi suku sira atu nunee ba oin ami sei esplika ba inan sira atu nunee sira nebe maka hola parte kaixa subsidiu ba jersaun foun ne’e atu mai iha klinika sira atu hetan kartaun liziu, nunee bele hetan subsidiu refere”.
Antonio da Graca de Araujo haktuir liu tan ba Radio Komunidade maubisse katak;
“Aktividade ne’e benefisiu duni ba komunidade sira, maibe orsamentu ne’ebe maka prepara ba inan ho oan nee la sufisiente, tamba ne’e maka mai hanesan lider komunitariu ami rekomenda ba MSSI oinsa atu aumenta tan osan ne’e atu inan sira bele tarata saude ho diak”.
Tanba ida nee programa foun ida halo espliksaun ba inan aman sira tanba sira maka hola parte ba iha Bolsa da Mae Jerasaun Foun, liu-liu dokumentu sira lori mak hanesan Sertidaun RDTL ,BI, ho Eleitoral homos Kartaun Liziu husi saude, atu nune’e sira bele hola fatin iha Bolsa da Mae Jerasaun Foun nian nee.
Jornalista: Natalino Menonça
Editor : Joaquim de Fatima Coutinho
