Racom Maubisse 03/24/2022, MSSI Munisipiu Ainaro  Sosializa Programa Bolsa Da Mae-Jerasaun Foun “Subsidiu ba Inan Isin-Rua no ba Labarik sira (0-3)” Iha Posto Administrativu Maubisse, Municipiu de Ainaro.

Ba Jornalista Radio Komunidade Maubisse Mauloko, Director MSSI Natarcia Seisas haktuir katak;

“Objektivu hasoru malu ba loron ohin ho autoridade sira, atu dezamina politika no estratesia MSSI  nian ba implementaaun Programa Bolsa Da Mae Nian-Jerasaun Foun Ba Autoridade Sira atu iha koinesementu konaba programa nebe  maka ita sei implementa iha tinan ida nee”.

Directora MSSI Municipiu Ainaro ne’e salient liu tan katak Ita nia program nee ita sei fokus liu ba inan isin rua sira ho labarik sira tinan tolu mai karaik ho objetivu principal maka;

“Ita atu hare ba dadus ne’ebe maka hato’o tia ona katak munisipiu tolu nebe maka rais badak liu hanesan Municipiu Bobonaru, RAEOA-Oecusse no Municipiu Ainaro, ho ida nee ita hakarak reduz pobreza no hadia saude no nutrisaun husi inan no labarik sira”.

“Atividade nee foin maka hahu iha tinan ida nee nia laran agora dadauk ita iha faze dezaminsaun, espera katak programa ida ne’e bele redus pobreza husi ita nia inan ho labarik sira no hadia saude no nutrisaun no hasai rendimentu ekonomia ba inan sira”.

Tamba ne’e Lideranca Masimu MSSI Municipiu Ainaro ne’e Husu ba autoridade sira nebe maka ohin prezensa katak, ita presija kopersaun no kolaborasaun diak oinsa ita nia benefisiariu sira liu-liu ba inan isin rua sira no labarik sira atu asesu ba programa nebe maka ita estabelese.

Jornalista                     Natalino de Jesus

Editór                          Moisese da Silva Magno