Racom Maubisse (18/03/2022) Assuntu ne’e ható husi Direktur Jeral Ministériu Administrasaun Estatal (MAE) Belarmino Filomeno Neves bainhira partisipa iha lansamentu ba distribuisaun Matreal Sensitivu ho la Sensitivu ba Sentru Votasaun 70 iha Municipio Ainaro Sexta feira ne’e.
Belarmino iha nia diskursu hateten, husu ba Brigadista no Fiskais tantu husi STAE no CNE atu servisu ho Neutralidade hodi fó susesu ba Elisaun Prezidensial tinan ne’e iha Municipio Ainaro lao ho diak tó remata.
“Iha Ainaro ita Komesa halo deslokasoens ba Ema Matreais Sensitivus no la Sensitivus ba iha fatin Sentru Votasaun sira depois sei koloka mós ba iha Estasaun de Votu sira. Tamba ne’e husu ba maluk sira hotu premeiru ba Brigada sira Ofisial Eleitoral sira tanto husi STAE no mós CNE mai ita hot-hotu servisu ho Imparsial, servisu ho Neutralidade hatudu katak ita nia rai mós madurnu ona. Ba Ofisiais Eleitorais no mós Brigada tantu ba Fiskais sira hotu hau husu mai ita halao ita nia knár hot-hotu banati deit ba lei e laos ba buat seluk, iha lei ne’e hakerek tia ona ba Fiskais sira katak iha akompaña prosesu tomak ba Votasaun ida ne’e ita bót sira tenki hatudu Imparsialidade hakarak kolabora no servisu hamutuk ho Fiskais husi Partidu sira seluk” Dehan Belarmino 18/03/2022.
Entertanto iha Seremonia Lansamentu ba Deskolakasaun Matreal Sensitivo no la Sensitivo iha Municipio Ainaro lao diak, Observa husi Fiskais husi Kandidatu sira no Observador Internasionl no hetan Apoiu Seguransa másimu husi Komandu PNTL Municipio Ainaro.
Jornalista Moises da Silva Magno
Editor Joaquim de Fátima Coutinho
