Dezemvolve Fatin Turizmu Flecha Husi Investor Plaza  Hahu iha Fulan Marco nia laran

0
2,349 views

Racom Maubisse (15/03/2022) Dezemvolve fatin Turizmu Flecha Suku Aituto Postu Administrativo Maubisse Municipio Ainaro, sei investe husi Investor Timor Plaza sei hahu iha Kuarta feira aban loron 16 fulan Marsu 2022.

Ba Radiu Komunidade Maubisse Mau-Loko Administrador Postu Administrativo Maubisse Municipio Ainaro, Claudino Mendonça iha Flecha Suku Aitutu hateten, Prosesu ida ne’e lao durante tinan ida ho resin hahu husi Administrador Sesante Luis Casimiro Lopes nia Mandatu, paradu tamba pandemia Covid 19 ne’ebe afeita ba Mundu tomak.

“Prosesu ne’e lao durante Tinan ida resin ona, ho Administrador Postu Administrativo Maubisse Sesante Sr. Luis Casimiro Lopes pendin hela tó agora tamba moras global Pandemia Covid-19 ne’ebe Tinan ida resin la lao. Ne’ebe aban ne’e sai hanesan desizaun final ona para Komapaña  Timor Plaza hodi bele hahu Konstrusaun iha fatin refere” Hateten Autoridade Postu ne’e ba RKMM 15/03/2022. 

Tamba ne’e Claudino kuntinua haklaken liu tan katak;

“Ohin ne’e atu halao surumutuk entre Governu ho Investor husi Timor Plaza  hodi kolia kona-ba fatin ne’ebe maka atu Dezemvolve iha Flecha Suku Aituto Postu Administrativo Maubisse, liu husi Teras Propreidades, hamutuk ho Timor Plaza Sei enkontru ho Premeiru Ministru kona-ba desizaun final prosesu atu halo levantamentu ba Konstrusaun ida ne’e iha Flecha Suku Aituto Maubisse Municipio Ainaro, sei aban maka ekipa Tékniku Timor Plaza ho Sekretaria Estadu Teras Propriedades hodi mai para haré kedas fatin ne’ebe maka identifikadu tia ona para hodi tau Matreal ba Konstrusaun nian iha Flecha Suku Aituto” Hatutan Nia 15/03/2022.

Tuir Xefe Suku  Aituto Postu Administrativo Maubisse Municipio Ainaro António Mendonça Paicheco, ba Jornalista Radiu Komunidade Maubisse Mua-Loko deklara, hanesan Lideransa Komunitario iha Suku senti Orgullu, tamba ho Investementu ida ne’e Sei redus numru dezempregu iha Suku laran.

“Hanesan lider ita Orgullu tamba ita nia Administrador Sesante halo kóperasaun internal ida ho Mebrus konsellu Suku no Komunidade sira, liu-liu iha Postu Administrativo Maubisse Municipio Ainaro, espesialmente Suku Aituto ne’ebe agora dadauk ita lao hela ne’e. Durante ne’e ami hanoin katak la lao maibe agora dadauk ne’e ita bele ultrapasa ona objetivu ne’ebe maka ita hotu hakarak. Tamba asase ona husi ita nia Governu Sentral fó ona espasu ba Timor Plaza bele mai loke ona, siknifika katak hanesan lider Parabens tamba ita bele resolve ona Dezempregu ne’ebe maka ita hasoru iha terenu” Hateten Xefe Suku Aituto ba RKMM 15/03/2022.

Kóperasaun entre Autoridade Postu Administrativo Maubisse ho Investor Timor Plaza hahu kedan Husi Administrador Sesante Luis Casimiro Lopes nia Mandatu.

Jornalista                     Moises da Silva Magno

Edeitor                                    Joaquim de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments