Meta Mali “2027 Hau Troka Maun Lú-Olu La Husu Maun Sira Tula Liman Ba Hau”

0
2,524 views

Racom Maubisse (12/03/2022) Aktual Ministru Assuntus Kombatentes ba Libertasaun  Julio da Costa Sarmento “Meta Mali, ható deklarasaun Politika ne’e wanhira partisipa iha  Mini Kampaña Partidu Históriku Frente Revolucionária Timor Leste Indepedente (FRETELIN), ba kandidatu Prezidente ho numeru sorteu 6 Francisco Guterres Lú-Olo iha Postu Administrativo Maubisse Sabado fim de Semana ne’e.

“Maluk sira ohin hau mai partisipa atu konvida ba Maubisse oan sira para ona Maun Xanana katuas ona, 2027 maka hau sai karik Prezidente hau troka Maun Lú-Olo hau sei la husu maun sira ne’e ida atu tula liman ba hau, ba ho ain rua hamrík hanesan ne’e atu hatete katak hau ba. Hau mai hau nia uma Uma ho Ahi hau hateten katak katuas sira hamulak fó bua ida malus ida mai tamba hau moris husi Uma ida ne’e, hau moris husi  Ahi ida ne’e Maromak deit maka hau hakneak hau nia ain tunur kuak hodi husu nia tulun ba hau, mais Maun lae” Deklara Meta Mali 12/03/2022.

Julio da Costa Sarmento “Meta Mali” kuntinua hatutan tan;

“Organizasaun ida naran Sagradu Korasaun de Jesus ka Koli iha rai Maubisse,  Hato-Builico,no iha Turiscai hameno tutan dehan Meta Mali maka haruka atu vota hotu ba Lú-Olo. Imi sira ne’ebe rekolla Kartaun harí Partidu ida naran PDS ida be hau maka atu kaer ne’e hot-hotu vota ba Lú-Olo” Meta Mali hatutan 12/03/2022.

Partisipa iha Mini Kamapaña ida ne’e iha Postu Administrativo Maubisse Municipio Ainaro Mai husi ekipa CCF Nasional Estruktra FRETELIN Municipio Hamutuk ho Postu Administrativo ho Komunidade no Militantes Simpatizantes Partidu FRETELIN Postu Administrativo Maubisse.

Jornalista         Moises da Silva Magno

Editor              Joaquin de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments