Lere Anan Timur husu Ainaro Oan sira fo Domin Liu Husi Votus Konfianca ba Sai Presidente da Republica 2022-2027

0
245 views

Racom Maubisse, 11/03/22, Kandidatura ho numeru sorteiro 8, Tenente Jeneral Lere Anan Timor iha kampanha eleitoral ne’ebe halao iha Municipiu Ainaro Sabadu, 11 de Marco 2022 ba simpatizante no apoiantes sira iha Municipiu Ainaro hatene katak;

“Ha’u lao husi Loro Monu to’o Lorosa’e mai fali iha rai Ainaro, hotu-hotu hatene katak tanba razaun ida atu kandidata-an ba Presidente da Republika, ha’u hasoru inan aman sira ha’u dehan patriota nasionalista no kamarada sira katak laos ha’u mai fahe osan ba ema ida-ida ou familia ida idak, maibe ha’u mai husu no tane liman ba ita boot sira nia domin mai ha’u, atu aban bairua iha 19 e Marsu atu implementa ka materializa domin nebe maka imi fo mai ha’u  atu sai Presidente da Republika periodu 2022 ate 2027, tamba ne’e ha’u kuandu sai Presidente da Republika, ha’u laiha buat seluk atu selu inan aman sira nia domin, maibe ha’u selu ho ha’u nia domin nudar Presidente da Republika ba Timor Lorosae tomak”.

Lider Resistensia ne’e haktuir tan katak:

“Diferente estuda nunka halo, maibe ha’u halo mak foin aprende politika, tamaba ne’e nudar lider no politiku, laos militar ha’u passa reforma iha dia 28 de Janeiru atu sai politiku foin loron ida ka loron tolu, maibe ha’u pronto atu hasoru politiku nain sira ne’ebe ke politiku tinan rua nulo resin, biar fulan ida deit maibe ha’u bele tanba domin mai husi imi”.

Eis Jeneral ne’e haktuir liu tan katak;

Ha’u Lere Anan Timur eleitu ba iha Comite Central de Fretelin iha 3 de Marco hamutuk nain 9 ohin loron balu la hamutuk ona ho ita, tanba sira fo ona sira nia isin, ruin no ran, ba rai doben Timor Leste, ba domin povu  maubere, hela ha’u mesak membru Comite Central Fretelin, segundu jersaun hela ha’u mesak hamutuk Maun Boot Xanana, mai husi ai-laran, hela ami nain rua deit, tanba ida ne’e maka ha’u hanoin kandidata-an ba Presidente da Republika, konsellu mai husi ha’u nia maluk veteranu sira hotu, mai husi resistensia tomak e ha’u nia Ofisiais Forsa Defeza Timor Leste tomak dehan, maun tempu to’o ona kandidata-an ba Presidente da Republika periodu 2022-2027”.

Lerenan Timur ba simpatizantes no apoiantes sira haktuir liu tan katak;

“Marí dehan katak ha’u nia Irmaun Lu-Olu ami tenki konbina malu, maibe ha’u dehan ne’e laos lia feto san ho umane, ida ne’e vida nudar vida partido nian  ita bo’ot nudar Sekretariu Jeral deside se mak avansa, maibe ami tur hamutuk nia la koalia buat ida no maun Lu mos la koalia buat ida mai ha’u, mak sisi bei-beik ha’u atu kandidata-an ba President da Republika periodu 2022-2027 nia la fo resposta, dader ba tia Portugal soe hela ha’u nia irmaun Luolo mesak kuandu Lu-Olo anunsia nia kandidatura iha Ermera nia dehan ha’u kandidata independente ha’u la liu husi partido, maibe Marí iha Portugal haruka menjajem mai katak Lu-Olo kandidata-an husi partido Fretlin, tanba saida mak nia nudar lider ida kuandu ami rua avansa nia ses tiha, dehan imi nain rua konkorre malu ba, tanba saida mak nia kandidatu fali Lu-Olo, ida ne’e pergunta bo’ot mai ha’u labuat ida”.

Tamba ne’e Lider Resistensia Lere Anan Timur, hato’o mensajen ba inan aman sira iha Ainaro  hodi dehan;

“Akonpana ha’u nafatin bali ha’u no fo matenek, matak malirin mai ha’u laos tanba buat seluk no le’et, maibe Ainaro oan laiha, ha’u mos ohin loron la hamrik iha imi nia oin. hau tane ás Saudoso Venancio Ferras ho nia alin sira seluk tanba sira brani fo sira nia vida para ha’u atu bele moris”.

Iha halao komisiu kampnaha Lere Anan Timur nian iha Municipiu Ainaro, lao hodiak to’o ramata, maske ho klima udan maibe situasaun kontroladu, to’o kampanha termina, tamba hetan seguranca maksimu husi Policia Nasional Timor Leste, Municipiu Ainaro.

Jornalista      : Natalino Mendonca

Editor             : Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments