Racom Maubisse (06/03/2022) Prezidente Partidu Congresso  Nasionál de Reconstrução de Timor (CNRT) Kay Rala Xanana Gusmão, bolu atensaun ba iha Fiskais  husi Partidu CNRT atu kontrola dididka situasaun iha Sentru Votasaun  iha loron 19 fulan marsu tamba mosu Manipulasaun no Falsifikasaun. Tamba ne’e Xaanan husu ba iha Fiskais sira la bele fiar-an deit.

“Manipulasaun ne’e bele husi ema, tamba sira troka tia ona Stae nia ema atu bele sira manan, ita agora fiar-an deit ita lakon  loke matan itoan dudu malu itoan bolu atensaun spesial ba ida ne’eba. Atu hamlaha hamrok tenki troka malu loron ida deit atu servisu ba povu ida ne’e  kuidadu ho Fiskais sira” Dehan Xanana iha Kampaña  Kandidatu Horta iha Postu Administrativo Maubisse Municipio Ainaro 06/03/2022.

Tamba ne’e husu iha ekipa Fiskal husi Partid CNRT sira ne’ebe maka destaka ba iha Sentru Votasaun sira atu haré didiak atu matan moris neon nai labele fiar-an deit.

Fatin hanesan Kandidatu Presidente Repúblika hatete, Husu ba Komunidade Militantes Partidu CNRT  inklui Partidu Movimentu sira ne’ebe Apou Horta  iha Postu Administrativo Maubisse tenki hare didiak antes atu vota.

“Hau espera imi hotu la bele deit 50% tenki fó ba Numeru 14 fó ba hau, fó ba CNTR, fó ba Maun Xanana, fó ba Konstituisaun mínimu 80%, imi fó deit 50% hau la simu, tenki hare didiak atu Vota se” Dehan Horta 06/03/2022.

Durante Komisiu Kamapaña Kandidatu Presidente José Ramos Horta iha  Postu Administrativo Maubisse Municipio Ainaro  hetan Partisipasaun másimu husi Komunidade , militantes no simpatizantes Partidu CNRT, inklui Partidu sira seluk ne’ebe maka Apoiu ba Kandidatu Presidente José Ramos Horta.

Aliende ida ne’e hetan mós akompaña husi observadór Komisaun Nasional Elisaun  CNE, no hetan Seguransa másimu husi Membru Polisia Nasional Timor Leste.

Jornalista         Moises da Silva Magno

Editor  Joaquim de Fátima Goutinho