Racom Maubissse (06/03/2022) José Ramos Horta hateten ida ne’e  Komisiu Kampaña iha Postu Administrativo Maubisse Municipio Ainaro Domingu loron 06 fulan marsu foin lalais ne’e.

Horta hateten;

“Wainhira ita lider ida nia iha foho leten nia manan tenki hakrúk mai sira ne’ebe lakon tia. Kaer sira nia liman se sira hakneak karik foti sira dada sira hamrík hakuak sira, lider diak ida Jeneral diak ida maka ne’e, nia manan nia hakuak kedan nia inimigu sira. Iha Polítika mós nune’e” Hateten Horta 06/03/2022.

Horta mós lamenta ho Sidadaun balun ne’ebe kolia falta repeitu ba Lider Nasional  Kay Rala Xanana Gusmão. Tamba ne’e Kandidatu Presedente Repúblika ne’e promete katak atu fó resposta ba iha insultu hirak ne’e hotu iha loron 20 fulan Maio tinana ne’e wainhira hetan Fiar husi Povu hanesan Presiente Repúblika 2022-2027.

“Hau Rasik rona diskursus oi-oin iha 2000 kedas iha JMT ne’eba hatudu kedas falta respeita ba Maun Bót Xanana ba hau prontu la buat ida,  laos hau maka dada povu, lidera povu, Reorganiza povu  tó Vitoria iha 99 iha 2002 ne’e Maun Xanana. Agora kuntinua problema ida ne’e ataka no ataka bebeik hau hatete la buat ida iha 20 de Maiu maka hau bele reponde karik, reponde oinsa ita hein hau la hatete agora” Nia hateten 06/03/2022.

Durante Komisiu Kamapaña Kandidatu Presidente José Ramos Horta iha  Postu Administrativo Maubisse Municipio Ainaro  hetan Partisipasaun másimu husi Komunidade, militantes no simpatizantes Partidu CNRT, inklui Partidu sira seluk ne’ebe maka Apoiu ba Kandidatu Presidente José Ramos Horta.

Aliende ida ne’e hetan mós akompaña husi observadór Komisaun Nasional Elisaun  CNE, no hetan Seguransa másimu husi Membru Polisia Nasional Timor Leste.

Jornalista                    Moises da Silva Magno

Editor                          Joaquim de Fátima Goutinho