Kordendor Partido CNRT Postu Maubisse Sebastiao Castro Pereira, “CNRT Nia Odamatan Nakloke ba ema hotu”

0
438 views

Racom Maubisse 27 /02/2022 Partido CNRT Halao Konsolidasaun Estrutura Iha Nivel Selkom Too Iha Nivel Munisipiu Ainaro, hodi hametin estrutura iha baze nune’e bele hasoru eleisaun presidensial nebe mak sei monu iha dia 19 de Marco 2022.

Ba radio maubisse Segundo Adjunto Sekretariu Jeral Partidu CNRT, Francisco da Costa Guterres hatete katak;

“Hanesan menbru CPN nia prejensa iha Maubisse mai para atu enkontru hamutuk ho estrutura Partidu CNRT atu hasoru eleisaun presidensial, nomos esperansa katak manan iha Maubisse tanba nee ohin ami mai iha maubisse atu hametin estrutura husi aldeia too sukuno  postu para atu bele organiza estrutura sira”.

Nia hatutan liu tan katak, enkontru ida nee mos hamutuk ho movimentu sira nebe maka apoiu ona ami ou partido CNRT, Maun Xanana hamutuk ho maun Ramos Horta atu hadia fila fali buat nebe naksalak ona iha Timor no mos hadia Timor Leste nia naran iha mundo internasional, tamba ne’e ami lao hamutuk atu organiza votus nee diak liu atu nunee bele manan iha Postu Maubisse”.

Iha Fatin hanesan, Cordenador Partidu CNRT Munisipiu Ainaro Oscar de Araujo Mos haktuir katak;

“Tambasa ita tenki konsolida, tanba ita hotu hatene ohin loron situasaun ne’ebe mai ho informasaun barak e buat lubuk ida maka halo ita  atu laiha fiar, maibe ho lema partido nian nebe dehan “fiar an lao ba oin” maske ami hasoru difikuldades barak maibe ami nafatin iha esperanca hamutuk ho maun bo’ot Xanana ho Ramos Horta ami lao ba oin nafatin”.

Nunee mos Kordendor Postu Maubisse Sebastiao Castro Pereira, salienta mos katak;

“Atividade nebe maka ohin halo iha Maubisse tanba ita haree katak tama ona iha kanpana ba eleisaun presidensial, tanba ne’e maka hanesan Maubisse Oan organiza konsolidasaun ba estrutura liuliu ba ba nurep ho selkom nebe maka perkorre iha postu maubisse laran tomak, e hanesan kordenador CNRT Postu Maubisse hakarak lakohi apoiu Maun Boot Xanana.

 Ho nune’e apela ba populasaun hotu katak CNRT nia odamatan lataka ba ema ida ami prontu simu sese deit karik hakarak atu mai hamutuk ho Maun Moot Xanana  hodi tula liman ba Maun Ramos Horta nune’e bele hadia fali rai doben Timor Leste  i lori Timor ba mundo.

Jornalista        : Natalino Mendonca

Editor              : Joaquim De Fatima

0 0 votes
Article Rating
Subscribe
Notify of
guest
0 Comments
Inline Feedbacks
View all comments