Racom Maubisse 25/02/2022 kada tinan COCAMAUN sempre realiza asembeleia jeral hodi hare konaba planu prioridade sira nomos hare frakeza sira ne’ebe mak Ko’operatica Cocamau hasoru durante tinan tomak e liu husi Assembleia refere bele buka mekanismu oinsa atu hdia no melhora diak liu tan.
Ba radio Komunidade Maubisse mauloko, Xefe Gabinete Secoop Arlindo F. Marcal haktuir katak;
“Asembleia jeral ne’e inportante ba kooperativa nia future iha parte seluk mos Chefe Gabinete SEKOOP fo parabens ba koperativa Cocamau, tamba durante ami nia vizita ba distrito ita haree koperativa kredito mak barak liu tanba iha ita Timor ne’e ita haree koperativa produsaun sei menus maibe iha Maubisse koperativa nee fokus liu ba kafe, Nia parte mos apresia tanba Cocamau iha membru 722 ne’e mos la fasil tuir criteria iha Asia nian hatete katak koperativa ida nebe sustentavel nia menbru nee tenki iha mil ba leten no labele para iha 722 nee kuandu menbru nee barak diak liu tan”.
Iha Fatin Hanesan Directora Parcic Junco Ito haktuir mos katak;
“COCAMAU la buka ema atu sai membru maibe kafe nain sira maka buka atu sai menbru’’ e cocamau tinan tinan konsege dunik organija ona assembleia geral maibe ida ne’e ba dala ruanulu (20) ona, numero ida ne’e halo hau hanoin fila fali durante tinan sanulu resin ualu desde ita hari koperativa cocamau iha tinan 2004 cocamau hahu ema oituan deit agora dadaun ohin presidenti cocamau apresenta katak uluk 2004 ita hahu difisil tebes, imajina tinan sanulu mai ita sei bele halao koperativa ida ne’e ho membrus sira ne’ebe bo’ot hanesan agora tinan ruanulu karik laos deit cocamau aumenta numero livrus maibe hau hatene katak aumenta mos esperensia bele produz kafe ho kualidade. No liu husi ida ne’e bele kontribui ba desenvolvimentu economia iha area Maubisse no buka ema se mak atu interese sai membru koperativa ita la ba buka maibe kafe nain sira rasik mak mai buka cocamau no realidade rejultado maka to ohin loron ita bo’ot sira organija membru atus hitu ruanulu resin rua (722)”
Perante Aseimbleia COCAMAU nian Presidente COCAMAUN Julio Mendonça hateten katak asembleia jeral nee atu aprezenta relatoriu no tau planu ba 2022, tamba ne’e tuir nia katak;
“Assembleia jeral Cocamau ba 2022 em primeiro hato relatorio finansas kona ba orsamento ne’ebe maka koperativa ezekuta ba 2021 nian segundo hato’o planu annual 2022 nian liu husi assembleia jeral hadia problema koperativa cocamau hanesan espiritu koperasaun ho governu parseiro desenvolvimento hotu hotu hodi promove agrikultor sira produz prudutu kafe ho kualidade kuantidade as consumu iha rai laran no mos rai liur cocamau hari sosiedade ida konstruido koperativu koperasaun ho parseiro kriasaun merkado hasae produsaun agricola lori ema ba kampu”.
Hamtuk kontribui ba kooperativa café maubisse, tamba maubisse konhecidu mos ho café depoisde municipiu Ermera, mai ita hamutuk ho tos nain café sira e mos ho pareiro dezemvolvimentu sira hodi hadia kualidade café iha Maubisse.
Journalist : Natalino Mendonça
Editor : Joaquim De Fatima
