Racom Maubissse (06/03/2022) Bela Cailhos hateten ida ne’e iha Kampaña Kandidatu Presidete Repúblika José Ramos Horta iha Postu Administrativo Maubissse Municipio Ainaro Domingo loron 06 fulan Marsu foin dadaun ne’e.

Bela hateten hanesan inan ida agora  hakarak Mudansa ba rai ida ne’e, tuir Cailhos hateten iha tinan hát resin ita nia Nasaun la ba oin tamba ne’e hakarak mudansa ba iha rai ida ne’e hili kandidatu José Ramos Horta.

“Hanesan Inan ida agora hau hakarak mudansa ba hau nia rai, maluk sira mudansa ne’e la monu tún husi Lalehan no la sa’e husi Tasi mudansa tenki depende ba ita idak-idak liu husi Lider hanesan ita nia Maun Bót Xanana no ita nia Maun Bót Ramos Horta iha tinan 4 resin ita hare ita nia Nasaun la ba oin, la ba oin duni ne’e realidade ita lalika bosok dehan Nasaun lao ba oin. Serake ita hakarak duni mudansa ba rai ida ne’e hili ita nia Maun José Ramos Horta. Maun Xanana Tau Liaman ba José Ramos Horta ne’e la Sala ida” Deklara Mana Bela Cailho Iha Maubisse 06/03/2022.

Durante Komisiu Kamapaña Kandidatu Presidente José Ramos Horta iha  Postu Administrativo Maubisse Municipio Ainaro  hetan Partisipasaun másimu husi Komunidade, militantes no simpatizantes Partidu CNRT, inklui Partidu sira seluk ne’ebe maka Apoiu ba Kandidatu Presidente José Ramos Horta.

Aliende ida ne’e hetan mós akompaña husi observadór Komisaun Nasional Elisaun  CNE, no hetan Seguransa másimu husi Membru Polisia Nasional Timor Leste.

Jornalista                    Moises da Silva Magno

Editor                          Joaquim de Fátima Goutinho