Be Matan Hatai Sei Fó Benefisu ba Kamunidade Horaquik Maubisse ho Intervensaun Agenjia COICA

0
287 views

Racom Maubisse (15/02/2022) Agenjia Internasional COICA servisu hamutuk ho Governo Timor Leste, liu husi Ministériu Agrikultura no Peskas Municipio Ainaro, Hamutuk ho Autoridade másimu Municipio Ainaro Tersa feira loron 15 fulan febreiru ne’e halao Survei ba We matan  iha Knua Hatai Suku Horaiquik Postu Administrativo Maubisse Municipio Ainaro.

Objetivo husi Survei ida ne’e  maka atu hare direita debit husi be refere  nune’e bele kanalija ba komunidade sira uja ba Konsumu lokal nu’une’e mós bele utilija ba aktividades Agrikultura nian.

Iha fatin hanesan Administrador Municipio Ainaro Leovigildo Amaral Pereira liu husi Intervista ho Jornalista Radio Komunidade Maubisse Mau-Loko hateten, be matan ne’ebe maka halao dadaun survei ne’e nia prosesu intalasaun sei hahu iha fulan Marsu tinan ida ne’e.

“Objetivo ohin ita hasoru malu iha fatin ida ne’e atu haré liu-liu kona be  ne’ebe atu instala ba iha ita nia projetu ne’ebe iha planu atu halo iha tempu besik, parese iha Marsu nia laran ne’e sira hahu ona” Dehan Leovigildo ba Jornalista RKMM 15/02/2022.

Nia Fundamenta projetu ida ne’e sei fó nia benefisiu ba Komunidade suku Horaiquik liu ba Agrikultores sira, atu halo Produsaun Agrikola liu-liu Produsaun Hortikultura ho Sistema ne’ebe maka moderno ne’ebe Governo Corea Liu husi Agenjia Internasional Coica Hakarak Oferese, ne’ebe nia durasaun Tinan 4 nia laran.

Fatin hanesan Direktora Servisu Agrikultura Municipio Ainaro Natalia de Orleans Amaral, hateten tan projetu kanaalizasaun be’e ferefe sei halao iha tempu badak.

” Primeiro estar ami hamutuk ho ita nia peritu sira husi COICA liu- liu ajudus husi ita nia Nasaun Coreia  hanesan Agenjia ne’ebe mak konesido iha Timor-Leste hamutuk ho ami  liu- liu iha Ministériu Agrikultura e Peskas Diresaun Nasional Agrikultura ho ami nia grupo Agrikultores liu liu iha suku Horaiquik hamutuk ho ita nia  Autoridade Lokal no mós ho Lider Komunitaria sira no grupo Agrikultores sira ami nia prejensa ba ohin ne’e atu enkontru hamutuk ho sira oinsa implementasaun ba  iha Atividade COICA sei realiza iha tempu badak Iha Maubisse” Hateten Natalia 15/02/2022.

Nia hatutan Infrastrutura baziku ne’ebe maka agora dadauk harí iha Suku Horaiquik ne’e foka liu ba Produsaun modo ne’ebe maka produs husi Komunidade Agrikultor sira.

Jornalista    : Melvia

Editor                   : Moises da Silva Magno

0 0 votes
Article Rating
Subscribe
Notify of
guest
0 Comments
Inline Feedbacks
View all comments