Racom Maubisse (17/02/2022) Padre David Alves da Conçeicão Vigariu Parokia São João de Brito Liquisa, hateten ida ne’e ba Jornalista Radio Komunidade Maubisse Mau-Loko hafoin partisipa iha Missa Agradesementu ba Loron Moris Amu Bispu Diocese Maliana Dom Norberto do Amaral iha Rezidensia Amu Bispu  Maliana.

Amu Vigariu ne’e hateten, Kampaña ba Elesaun Presidensial monu los iha loron Kuarta feira Sinjas, loron impottante Ingreja nian, loron ne’ebe maka reflete  ita nia-an hanesan ema sarani no hanesan Maromak nia-Oan.

“Hau hanoin Kamapaña sei hahu iha dia 2 de Marsu monu los iha Kuarta feira de Sinjas  ida ne’e atu fó hanoin hela katak keta haluhan dala barak parese Kuarta feira de Sinjas ida ne’e ema ninia intensaun hanesan sarani atu valoriza  vida sarani ida ne’ebe hahu tama ba Kuaresma ne’e menus karik ita lahatene, hanesan fali sasan sira ne’e soke malu. Kampaña monu los iha loron importante Igreja nian loron ne’ebe ke tenki reflete ita nia-an hanesan ema sarani hanesan Maromak nia oan” Dehan Amu Vigariu ne’e 17/02/2022.

Nia hatutan maske iha Timor Kampaña monu iha tempu Kuaresma, ida ne’e fo hanoin ba Timor-Oan  sira liu-lu Liders Partidu Polítiku sira katak iha ema sarani maka halo kampaña tamba ne’e presija hatudu buat ne’ebe diak ba malun hadomi Nai Maromak no mós hadomi ema seluk.

“Kampaña lao iha Kuaresma nia laran ita hotu hatene katak iha kampaña nia laran laos ema kolia deit maka lia fuan sira ne’ebe diak , laos deit kandidatu sira maka ba halo deit kampaña maibe masa ne’ebe maka halo movimentu husi fatin ida ba seluk konserteja dala ruma iha dalan sira provoka malu iha dalan sira tolok malu problema sira ne’ebe maka bai-bain ita Timor ne’e akompaña hela e ajisti hela. Entaun hau hein katak maske situasaun iha Timor hanesan ne’e kampaña monu iha tempu Kuaresma ida ne’e fó hanoin mai ita Timor-Oan sira, ba Liders Partidu Polítiku sira, ba Simpatijantes sira, Hodi hanoin katak iha Kuaresma ema sarani maka halo Kampaña, ema sarani maka tama iha Partidu sira, tamba ne’e hakarak ka lakohi mai ita konsensialija fila fali katak ita Timor tenki halo buat diak atu manifesta ita nia-an hanesan ema Timor-Oan ne’ebe iha vida Spiritual ligasaun ho Nai Maromak hadomi Nai Maromak hadomi ema seluk” Haklaken Amu Vigariu ne’e ba Jornalista RKMM 17/02/2022.

Antes atu Termina Amu Vigariu ne’e kuntinua husu ba Kandidatu Sira Atu evita Aktu Insulta Malu iha Kampaña, tamba tempu Kuaresma konvida ema hotu hamutuk hadiak baut ne’ebe maka la diak hodi hakbesik-an diak liu tan ba Nai Maromak.

Jornalista         : Joaquim de Fátima Coutinho

Editor              : Moises da Silva Magno