Dom Virgìlio: “Kandidatu Pr. Sira Iha Halao Kampnaha Labele Insulta Malu, Husu Ba Eleitor Sira Ezerse Votus Ho Responsabilidade”  

0
685 views

Racom Maubisse, 14/02/2022, Depois de missa abertura ba Mahein Edukasaun Timor Leste, São João Paulo II iha Paróquia Santa Maria Ainaro, iha intervista ba Radio Komunidade Maubisse Mauloko Archebispo Arquidiocese de Dili, Dom Virgílio do Carmo da Silva SDB, hateten katak relasiona ho eleisaun presidensial ne’ebe sei akontese iha fulan Marco, tamba ne’e bainhira atu ezerse ita nia direitu nu’udar sidadaun, ida-idak tenki fo votus ho responsabilidade.

“Eleisaun Prezidensal ne’e, laos buat foun ida mai ita Timor, tamba ne’e winhira ba ezerse ita ida-idak nia votus tenke ho responsabilidade, nune’e bele fo ita ninia votus ba ema ida ne’ebe mak ita fiar no hatene katak ema ida ne’ebe ita fo votu ba, iha duni kapasidade sai ita nia Prezidente hodi bele lori ita no reprejenta ita hotu iha ema seluk nia oin, ne’e duni atu dehan ba ita hotu katak iha eleisaun mai ne’e ba ezerse imi nia votu tenke hare didiak no se mak ita hakarak hili hodi sai ite nia presidente”.

Aleinde ne’e Dom Virgilio husu ba sarani sira atu hili tuir konsensia rasik;

“Votu ne’ebe ita fo laos deit iha Eleisaun, maibe ne’e ezerse ita nia responsabilidade, nune’e atu fo ita nia votu, ita hakarak nasaun ne’e atu sai oinsa, tamba ne’e fo votu ba ema ida ne’ebe ita bele fiar katak bele lori duni Nasaun ne’e ba oin, ne’e maka momentu ida importante mai ita”. Esplika Dom Virgìlio.

“Kampanha eleisaun ne’e ita dehan katak festa demokarsia, Liberdade ba ema hotu bele ezerse nia direitu, maibe mos ita hotu tenki respeita malu, mesmu iha kandidatu barak maibe idak-idak iha nia preferensia, buka atu respeita malu iha momentu ida ne’e”.

 Amu bispu ne’e haklaken liu tan katak; “Ita bolu festa de demokrasia entaun ita mos tenke hatene saida mak valor demokrasia ne’e, tamba ne’e duni hau (Bispu) husu atu ita bele halao kampanha maibe labele uja fai kampanha sai fali mumentu ba ita atu ameasa malu, hatun malu, maibe buka atu respeita malu, hamtauk malu, hodi labele kria violensia, ida ne’e maka ita lakohi, festa demokrasia dalan uniku ba povu atu bele deside se maka bele ba kaer ukun, destinu iha povu nia liman”.

Iha Mensajem, Amu Bispu Dom Virgilio do Carmo da Silva SDB, husu ba kandidatu Presidente da Republica sira atu iha halao kampnaha ba to’o iha eleisaun e mos kontajem de votus atu kria nafatin paz no establidade hodi la insulta malu no hatun malu tamba nudar sarani, nudar Timor Oan, mai ita hotu fo liman ba malun iha festa demokrasia ida ne’e ho ksolok no respeita malu iha domin nune’e iha period kampnaha, eleisaun buat hotu lao diak no hakmatek, se mak manan ita hotu nian no semak lakon mai ita servisu hamutuk hodi lori paz no hakmatek ba ita nia rain hodi dezemvolve Nasaun ida ne’e sai diak iha future oin mai, ida ne’e mak ita nia mehi ba iha nai-ulun ida ne’ebe ita hotu hein”.

Jornalista             : Clementina Fàtima

Editor                    : Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments