Racom Maubisse, 2/2/2022, Plan Internasional Municipiu Ainaro hamutuk ho Edukasaun Municipiu Ainaro Kinta semana ne’e, halao Kampanha ho tema “Mai Lori Labarik fila ba Escola” Iha Posto Hatobuilco”
Ba Radio Komunidade Maubisse Mauloko, Reprezentante Administrador Posto Hatobuilico Aniceto Marques de Orleans hateten katak;
“Objetivu ida ne’e esensial teb-tebes tamba liu husi programa Plan Internasional ne’ebe mak estabelese iha Munusipio Ainaro ho nia programa ida ne’e atu bele motiva ita nia jerasaun foun sira liu liu ba ita nia labarik kik-oan sira liu liu ba feto sira hodi nu’une sira mos bele sai hanesan lideransa ida ba iha future”.
Reprezentante Administrador ne’e hameno ba inan aman no progessores sira atu tau importansia ba oan sira nia edukasaun tamba edukasaun mak save ba iha future;
“Tamba ne’e hanesan reprezentante Administrador Posto Hatobuilico hau nia lia menon ba inan aman sira dudu nafatin oan sira ba eskola depois iha mos dalan diak ida ne’ebe mak atu bele servisu hamutuk ho ita nia autoridade lokal sira no mos ita nia Director da eskola sira no mos ita nia Professor sira liu liu mos ita nia parseiro dezemvolvimentu hanesan PLAN Internasional, hodi nu’une bele motiva nafatin ita nia oan foinsae sira liu liu ba labarik feto labarik kikoan sira hodi nu’une bele hetan mos oportunidade ba sira nia edukasaun tamba edukasaun mak save ba ita nia futuru no Nasaun ida ne’e”.
Marka Prezensa iha Programa kampanha lori labarik sira fila ba Escola ne’ebe realiza husi Plan Internasional mak Reprezentan Administrador Posto Hatobuilico, Reprezentante Edukasaun Municipiu Ainaro, Reprezentante PNTL Posto Hatobuilico, Professores, alunus nomso inan aman balu.
Jornalista : Melvia Maria Mendonca
Editor : Joaquim Coutinho
