Racom Maubisse, 2/2/2022, Plan Internasional Municipiu Ainaro hamutuk ho Edukasaun Municipiu Ainaro Kinta semana ne’e, halao Kampanha ho tema “Mai Lori Labarik fila ba Escola” Iha Posto Hatobuilco”
Ba Radio Komunidade Maubisse Mauloko, Gaudensio Lopes Responsabel Rekursu Humanus Edukasaun Munisipio Ainaro hateten katak;
“Konaba atividade loron ohin ida ne’ebe maka ita hotu hare dehan katak husi parte Plan halo kampanhia ida atu konvida fila fali ita nia oan sira fila fali ba escola, ne’ebe maka durante surtu kovid19 la tama eskola agora parte Plan servisu hamutuk ho Ministerio Edukasaun atu konvida fila fali ita nia oan sira atu nu’une sira bele fila fali ba eskola hodi aprende fila fali atu nu’une sira bele kapasita fali sira ida idak nia an para aban bairua sira mak hatutan fali jerasaun husi Timor-Leste espesialmente iha Munisipio Ainaro”.
Responsabel Rekursu Humanus Edukasaun Munisipio Ainaro haklaken liu tan katak, wainhira koalia konaba benefisio iha buat barak mak ita nia estudante sira sei hetan, tamba ne’e tuir nia katak;
“Wainhira ita koalia kona ba benefisio iha buat barak mak ita nia estudante sira sei hetan iha ninia benefisio liu husi Edukasaun tamba bainhira liu husi Edukasaun klaru katak ita nia ona sira sei bele kapasita sira ida idak nia an sira ninia talentu ho sira ninia hanoin atu nu’une aban bain rua sira bele hatutan fali ba jerasaun sira tuir fali mai’.
Ho nune’e Gaudensio Lopes iha niamensagem ba inan aman sira atu motiva no fo hanoin nafatin ba oan sira katak eskola importante ba sira nia futuru atu nu’une oan sira mos iha vontade diak hodi partisipa iha prosesu aprendisajem, depois de surtu kovid 19 invade mundo inklui Timor-Leste.
Marka Prezensa iha Programa kampanha lori labarik sira fila ba Escola ne’ebe realiza husi Plan Internasional mak Reprezentan Administrador Posto Hatobuilico, Reprezentante Edukasaun Municipiu Ainaro, Reprezentante PNTL Posto Hatobuilico, Professores, alunus nomso inan aman balu.
Jornalista : Melvia Maria Mendonca
Editor : Joaquim Coutinho
