Sentru Saude Postu Hato-Udo Ainaro  Rejista Moras Denge 3

0
634 views

Racom Maubisse (01/02/2022) Numeru ne’e relata husi Responsavel Promosaun Saude no Edukasaun Sentru Saude  Hato-Udo Municipio Ainaro Fauastinho Bianco Marques.

Faustinho Aprejenta ida ne’e wainhira sai hanesan Orador iha Kampaña lori Labarik Sira fila hikas ba Eskola ne’ebe Organiza husi Plan Internasional iha Postu Administrativo Hato-Udo Municipio Tersa Feira ne’e.

“Moras Denge hamate ema barak los ona iha Dili, Hato-Udo Foin dadauk ne’e ita identifika foin maka nain Tolu, Rua ita transfere ba Same, ida ita tranfere ba Ainaro, no Kuntinuasaun transfere ba Maubisse hodi hetan tratamentu Kompleitu iha Maubisse” Dehan Faustinho 01/02/2022.

Faustinho Kuntinua husu ba Komunidade Postu Administrativo Hato-Udo Municipio Municipio Ainaro, mantein moris iha Ambiente ne’ebe maka mos, no Presija hadia uma hun sira atu evita susuk moris iha ne’eba tamba Denge mai husi Susuk ne’ebe wanhira tata ema iha tempu loron.

“Oinsa maka ita bele halo prevensaun ba susuk sira ne’e la bele aumenta entaun ita tenki hamos ita nia Ambiente uma laran no uma rohan no be tanki sira ne’ebe maka ita iha  se bele fase semana ida dala ida. Depois susuk Denge diferente ho susuk Malaria susuk Malaria nia tata kualker tempu mais susuk Denge ne’e so loron maka nia tata” Hatutan Faustinho 01/02/2022.

Liga ho ida ne’e ba Jornalista Radio Komunidade Maubisse Maubisse Mau-Loko Ofesial Governo Lokal Postu Administrativo Hato Municipio Ainaro Cegres  Tilman hateten,  Parte Governu Lokal Simu Ona Sirkular husi  Governu Central hodi Avisu ba Komunidade sira oinsa atu mantein ambiente ne’ebe mos hodi redus moras Denge ne’ebe maka Nia Numeru komesa Aumenta iha Timor Leste Inklui Municipio Ainaro Postu Administrativo Hato-Udo.

“Governu Central fó ona Sirkular atu halo limpeja ba Ambiente iha fatin ne’ebe hela ba, hanesan hamos valeta sira, hamos tanki ne’ebe maka iha be, atu nune’e susuk la bele tolun iha ne’eba hamosu susuk barak hodi tata ita nia oan sira. Meus ne’ebe ita uja maka ne’e agora ita komesa avisa ona  ba komunidade sira atu hamos Ambiente uma sor-sorin “ Deklara Ofisial Governo Lokal Postu Administrativo Hato-Udo Municipio ba Jornalista RKMM 01/02/2022.

Jornalista          : Moises da Silva Magno

Editor              : Racom Maubisse Mau-Loko

0 0 votes
Article Rating
Subscribe
Notify of
guest
0 Comments
Inline Feedbacks
View all comments