Racom Maubisse (01/02/2022) Tersa Feira loron 01 Fulan Febreiru ne’e Plan Internasional Servisu hamutuk ho Edukasaun Municipio Ainaro, Lansa Kamapaña ho tema “Mai ita lori Labarik sira fila ba Eskola”
Atividade ne’e Partisipa husi inan aman estudante, hamutuk ho Manorin nain sira iha Igreja Hato-Udo Municipio Ainaro.
Hafoin de halao Abertura Husi Reprejentante Administrador Postu Administrativo Hato-Udo, ba Jornalista Radio Komunidade Maubisse Mau-Loko Jerente Plan Internasional Municipio Ainaro Valentim Spinola liu husi Intervista hateten, durante Pandeimia Covid-19, Serka Sanitaria, Konfinamentu Obrigatoriu, no Estadu Emerjenjia fo nia Implikasaun ba iha Labarik sira barak maka la ba Eskola. Tamba ne’e liu husi Aktividade ida ne’e hodi fó hanoin ba iha Inan Aman sira atu haruka hikas labarik sira fila ba Eskola.
“Plan Internasional Ohin Mai iha Postu Hato-Udo ho nia tema lori fila fali labarik sira ba Eskola ida ne’e maka topik ida ne’ebe importante los ne’ebe ita halo. Durante ita hatene katak Covid-19 ne’ebe maka akontese Timor-Leste no mós iha Mundu tomak fó impaktu bót ida ba ita nia oan sira Liu-liu ba Kíkoan sira. No liu tia ida ne’e labarik barak maka abandona tia sira nia eskola ho nune’e Plan Internasional hamutuk ho Edukasaun Municipio Ainaro lansa Kampaña ida ne’e atu enkiraja Iana Aman sira haruka sira nia oan fila hikas ba eskola nune’e bele kuntinua sira nia aprendisazen iha eskola hodi prepara ba sira nia futuru ne’ebe maka diak” Hateten Jerente Plan Internasiona Municipio Ainaro Ba Jornalista RKMM 01/02/2022.
Fatin hanesan Reprejentante Direktur Edukasaun Municipio Ainaro Gaudencio Lopes Kuntinua hatutan Liu tak katak;
“Bajeia ba tema ne’ebe maka hakerek dehan katak mai ita lori labarik fila fali ba eskola tamba ne’e husi parte Edukasaun Municipio Ainaro dala ida tan agradese ba Plan Internasional tamba ho Plan Internasional nia programa ida ne’e ita bele habelar informasaun ba tó iha baje liu-liu ba Inan Aman sira Komunidade Inklui mós Estudante. Katak Edukasaun sai hanesan Save Importante ba ita nia Estudante sira atu nune’e bele kapasita fila fali sira nia-an bele lori fila fali ita nia Nasaun ida ne’e bele halo kompetisaun ho Nasaun sira Seluk” Dehan Gaudencio ba Jornalista RKMM 01/02/2022.
Entertanto Partisipa iha Aktividade Kampaña fila fali na Eskola ida ne’e iha Postu Administrativo Hato-Udo Municipio Ainaro, Hetan Partisipasaun Husi Estudante, Inan Aman, Hamutuk ho Manorin Nain sira.
No Aktividade ida ne’e realija tamaba Plan Internasiona hetan Fundus husi Governo Australia.
Jornalista : Moises da Silva Magno
Editor : Racom Maubisse Mau-Loko
