Racom Maubisse (30/01/2022) Amu Paroko Maubisse Felisiano Barreito  Rodriques  Soares ható lian Agradesementu Liu husi Homelia, iha Selebrasaun Missa Domingu loron 30 fulan Janeiru 2022 foin lalais ne’e iha Igreja Maubisse, Amu Paroko  hateten;

“Lori Sarani sira nia naran Populasaun Maubisse husu deskulpa ba Sr. Luis Casimiro Lopes iha nia servisu ne’ebe maka nia halo durante tinan 11. Hau dehan tinan 11 tamba hau mai iha 2012 nia iha tia ona, ne’ebe ami ho Sarani husu deskulpa ba ita bót, ami agradese barak ba ita bót nia servisu sira” Dehan Amu Paroko 30/01/2022.

Amu Parorko ne’e mós nafatin dezafia ba Administrador Postu Maubisse foun Claudino Mendonça atu servisu hamutuk fo hanoin ba malun hodi kuntinua dezemvolve Maubisse ba oin.

“Hau hein nafatin  Administrador foun, ita servisu hamutuk nafatin tamba Maubisse Maka ita, ita maka Maubisse. Ita nafatin fó hanoin ba malu, ita presija hamutuk lori Maubisse ne’e diak liu tan ba oin hanesan Servidor Estadu” Dezafia Amu Parorko Maubisse ba Administrador Postu foun Maubisse Municipio Ainaro 30/01/2022.

Jornalista                     : Natalino Mendonça

Editor                          : Moises da Silva Magno