Raco Maubisse (26/01/2022) Gabriela da Conçeicão Magno Pereira ható ida ne’e liu husi intervista ho Jornalista Radio Komunidade Maubisse Mau-Loko Kuarta feira loron 26 fulan Janeiru 2022 foin dadaun ne’e iha nia knár fatin Ospital Referal Maubisse.

“Hau ható Parabens ba Xefe do Postu Administrativo foun Maubisse nian Sr. Claudino Mendonça. No mós hau la haluhan ható agradesementu  barak tebes ba Xefe do Postu Sesante Sr. Luis Casimiro Lopes, tamba durante ne’e maske ami iha Ospital servisu iha lutu laran deit maibe Autoridade Lokal sira tau matan mai mós Ospital  hanesan instansi ida iha Maubisse ne’e ne’ebe agradese tebes ba Xefe do Postu Sesante. Ba Xefe do Postu foun ami fiar katak sei lori ita nia Rai Maubisse bele Dezemvolve diak liu tan, ami mós prontu atu kolabora hamutuk” Tenik Direktora Ospital Referal Maubisse ba Jornalista RKMM 26/01/2022.

Entertanto Administrador Postu Foun Maubisse Claudino Mendonça Simu ona Pose husi Governu Central Liu husi Vise Ministu Administrasaun Estatal (MAE) Loron 25 fulan Janeru foin lalais ne’e hodi troka Xefe do Postu Sesante Luis Casimiro Lopes.

Jornalista         : Melvia

Editor              : Moises da Silva Magno