Direktur Rejistu Sivil Municipio Ainaro husu Negosiante Esntajeru la bele fan Bandeira Nasional tamba la tuir medida no hena la Kualidade.
Racom Maubisse (10/01/2022) Kestaun ne’e apresenta husi Direktur Rejistu Sivil Municipio Ainaro Joanico da Silva ba Premeiru Ministru hamutuk ho Delagasaun tomak iha Diálogu ne’ebe maka halao ho Autoridade Municipio Ainaro Segunda feira ne’e.
Joanico hateten Timor Leste Restaura ninia Independensia ate agora seidauk iha Alfiati ida Permanente ba Suku Bandeira Nasional RDTL. Tamba ne’e nia husu ba Governu liu husi Ministériu Relevante hare Alfaiati ne’ebe Propriu ba Suku Bandeira Nasional RDTL,Tamba Bandeira ne’ebe fan agora dadaun ne’e la tuir nia medida no hena laiha kualidade.
“Luta tó ita Uku-An nia inti ne’e maka Bandeira Nasional hau nia hare husi Restaurasaun mai to agora ne’e hau seidauk hare ita nia alfaiati ida atu suku Bandeira Nasional. Maibe ema Estajerus sira Cina Sira fán hotu ita nia Bandeira Japones sira mós fán hotu ita nia Bandeira ne’ebe midida la los, tan hau fó oportunidade ba iha meja atu hare tók. Medidas Bandeira Nasional ne’ebe sira fan ne’e arbiru liu hena mós laiha kualidade tan ne’e karik se bele Governu hare Assuntu ne’e atu iha alfaiati ida khusus ba ida ne’e, e bandu ema Estranjeru fan ita nia Badeira Nasional” Kestiona Joanico da Silva Direktur Rejistu Sivil Municipio Ainaro.
Jornalista : Moises da Silva Magno
Editor : Racom Maubisse Mau-Loko
