APA Maubisse Luis Casimiro Lopes Apresenta ba PM Taur Matan Ruak kona ba Dezemvolve Fatin Turizmu Flecha

0
461 views

APA Maubisse Liuis Casimiro Lopes Apresenta ba PM Taur Matan Ruak kona ba Dezemvolve Fatin Turizmu Flecha husi TIMOR PLAZA seidauk hetan resposta husi Governo Central

Racom Maubisse (10/01/2022) Admnistrador Postu Administrativo Maubisse Luis Casimiro Lopes Segunda feira loron 10 fulan Janeiru 2022 apresenta ba Xefe Governu Jeneral Taur Matan Ruak kona ba lalaok dezemvolvementu Fatin Turizmu Flecha Suku Aituto ne’ebe sei investe husi Investor TIMOR PLAZA.

Ba Premeiru Ministru Autoridade Postu ne’e hateten, Flecha la bele kuda batar, Flecha la bele kuda hudi  maibe  so bele manan ho nia furak, husi furak ne’e  konvida ema seluk atu mai investe maibe seidauk hetan resposta ruma husi Governu maske Autoridade Postu Maubisse hamutuk ho komunidade halao ona Seremonia Kulturais tamba ne’e komunidade Suku Aituto Flecha hein hela Autorizasaun husi Governu Central.

“Hau atu spilka na Sua Esélensia katak durante ami ho komunidade sira iha Suku Aituto Flecha, karik Sua Esélensia liu mai Flecha ne’e sempre furak iha matan, durante ne’e ami halo kóperasaun ho TIMOR PLAZA ami lao ona e laiha problema entre Komunidade ho Investeres sira ne’ebe maka atu mai. Ikus mai ami iha tia solusaun ami halo tia seremonia kulturais ita mos kovida husi parte Teras E Propridades buat hot-hotu lao diak, maibe Sua Esélensia ate aprejenta data ami seidauk hetan rejultadu. Ami tama iha Nasional konfirma iha Ministériu Justisa, konfirma iha Teras E Propriedades oinsa nia kelanjutan ne’e” Dehan Xefe do Postu Maubisse iha Diálogo ne’ebe halao ho Premeiru Ministru Taur Matan Ruak iha Municipio Ainaro 10/01/2022.

Hatan ba Prokupasaun Administrador Postu Administrativo Maubisse nian ne’e iha intervensaun Ministru Administrasaun Estatal (MAE) Miguel Pereira de Carvalho hatan katak;

“Sr.Admistrador Postu Maubisse nia prokupasaun kona  ba investementu ida ne’ebe maka TIMOR PLAZA hakarak halo iha Flecha to ohin loron ita bót nia prokupasaun Ministériu Justisa seidauk resove didiak estatutu husi rai ne’e katak rai ne’e atu fo ba Investedor ne’e ka ou rai atu fo fila fali ba utulizasaun sira seluk. Prokupasaun  ida ne’ebe maka Sr. Administrador ható mai hau e hau mos ható ona ba  Sr.Ministru da Justisa atu bele fo solusaun ba ida ne’e. Hau hanoin sira mos prokupa ba rai ida Flecha ne’e. Mais hau hanoin ita bót nia mensajen ne’ebe maka ható ba Sua Esélensia  Premeiru Ministru iha oprtunidade Sr. Premeiru Ministru sei kolia ho Ministru Justisa atu bele tau matan ba prokupasaun ne’e” Hatan Ministu husi Ministru Administrasaun Estatal (MAE).

Jornalista                     : Moises da Silva Magno

Editor                          : Racom Maubisse Mau-Loko

0 0 votes
Article Rating
Subscribe
Notify of
guest
0 Comments
Inline Feedbacks
View all comments