Inspector Escolar Pre-Primaria M. Ainaro, “Hakarak Oan Sira Diak Lalika Kompete Ho Karau Dikur Naruk, Maibe Kompete Iha Edukasaun”

0
326 views

Racom Maubisse 10-12-2021, Escola Pre-Primaraia halaoa graduasaun ba alunus nain 13 iha Escola Pre-Primaria 7 de Dezembro Beremoli Maulau Maubisse, participa iha serimonia graduasaun ba alunus Pre-Primaria nain 13 ne’e mak Inspector Pre Escolar director da Escola, professors, alunus no inan man sira.

Ba Radio Komunidade Maubisse Mauloko, Inspector Escolar Pre-Primaria Hercio de Araujo ne’ebe hola parte mos iha serimonia graduasaun ba estudante nain 13 iha EBC 7 de Dezembru Beremoli Maulau Maubisse hateten katak:

“Lalika kompete ho karau nebe dikur naruk maibe kompete iha edukasaun, iha hau nia postu nebe labarik tinan tolu ba leten maka la ba eskola hau koalia ho autoridade lokal sira labele  resista fo bolsa da mae ba sira tanba Ministeriu Edukasaun lakon osan boot ba ita nia oan sira maibe ita ladun tau inportansia ba ita nia aon sira”.

Nia parte mos husu ba inan aman sira tau inportansia maximu ba oan sira hodi nunee ita nia oan sira bele hetan eduksaun diak antes tama ba iha pre escolar, inan aman sira la serbisu mesak presija serbisu hamutuk ho professor sira ho ita nia estadu hodi hadia edukasaun ne’ebe maka dignu ba nia oan sira.

Escola Pre-Primaria 7 de Dezembro Beremoli Maulau Maubisse halao serimonia graduasaun ne’e ba datoluk ba estudante 13 pessoas 

Tamba ne’e iha fatin hanesan Alcina de Oliveira Co’ordenadora Pre-Escola 7 de Dembro Maulau maubisse, hateten katak;

“Antes atu halo gradusaun sira enkontru  uluk hodi prepara ba seremonia graduasaun e ami mos iha hanoin hamutuk deside data koalia mos ho Director Ensino Baziku, no nia iha ona biban maka ami halao seremonia graduasaun e problema ne’ebe ami hasoru mak menus iha mobiliariu sira maibe nafatin ho esforsu tomak ami bele halao graduasaun ne’e ho diak”.

Koordenador nee mos hateten hakarak edukasaun ne’ebe maka kualiadade maka tenki iha kadeira meza, atu nunee labarik sira bele assesu ba edukasaun nebe maka dignu. Prosesu ba graduasaun dala tolu ona maibe nia mesak  jere hanorin e koalia  hamutuk ho inan aman sira. Nia parte rekomenda ba edukasaun presija tebes atu aumenta rekursu humanu atu nunee ba future bele hafasil prosesu aprendisajen.

Jornalista            : Natalino Mendonca

Editor                    : Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments