Ko’operativa COCAMAU Halao Surumutuk Ho Xefi Do Grupo Sira Fahe Osan Insentivu Nomos Halo Evaluasaun Ba progresu servisu no dezafius sira durante tinan 2021 nomos Planu ba Tinan 2022
RACOM MAUBISSE 15-12-2021 Koperativa COCAMAUHalao Surumutuk Ho Xefi Do Grupo Sira Fahe Osan Insentivu Nomos Halo Evaluasaun Ba progresu servisu no dezafius sira durante tinan 2021 nomos Planu ba Tinan 2022, nune’e bele hatene konaba servisu sira durante 2021, saida mak atinji ona no saida mak seidauk atinji nune’e bele kria fali planu foun nune’e implementa iha 2022.
Ba Radio Komunidade Maubisse Mauloko, Presidente COCAMAU Julio Mendonca Martins hanesan hateten katak;
“Enkontru hamutuk ho membru do grupo sira nomos xefi do grupo sira nebe maka eziste iha koperativa Cocamau hodi halo evolusaun ba atividade ba tinan ida nee nian no liuliu ba grupo agrikultores hodi haree liuliu ba produtu lokal durante nee, sira prepara hodi distribui ba merkado”
Depois de hato’o tiha aktividade no planu sira, Presidente COCAMAU ho ekipa halo mos pagamentu ba iha estrutura Cocamau nomos grupo sira, tanba kada fulan fulan sira mai tuir enkontru mos fo hanesan insentivu atu sosa bee ruma hemu iha dalan, ida nee mak sira nia papel husi hetan insentivu ida neee atu halo kontrolu kualidade kafe nebe maka tinan tinan membru sira produz iha grupo sira nia laran.
Husu konaba COCAMAU nia fundos ne’ebe atu fahe ba grupo sira hodi halao aktividades konaba Café iha Maubisse, Presidente COCAMAU ne’e haktuir katak;
“Total orsamentu $ 15.000 maka disribui ba estrutura do grupo kada ema ida ho montante $ 150 dollar no enkontru ba halao planu annual 2022 nian sei halao iha dia 19 de Janeiru 2022”
Iha Fatin hanesan Representante grupo 27 ne’ebe hamahan-an iha Grupo COCAMAU Fransisco da Costa haktuir katak;
“Durante nee ami tau hela osan iha Coperativa Cocamau depoisde ami mai foti fob a grupo komunidade sira nebe maka presija ou membrus sira atu utilize halo reprasaun ba kuidadu kafe nia kualidade ba future, ami nia kafe ami prepara ho kualiade ami lori mai tetu liu semana ida ohin maka ami foin mai foti fali osan iha koperativa COCAMAU.
Kooperativa Café Maubisse existe kleur ona iha Maubisse ho objektivu maka servisu hamutuk ho grupo agrikultor sira liu liu grupo agrikultor café hodi hadia café nia kualidade nune’e bele distribui liu husi COCAMAU ba PARCIC hodi exporta bba Japaun nomos iha nasaun seluk.
Jornalista : Natalino Jose Mendonça
Editor : Joaquim de Fátima Coutinho
