Racom Maubisse (26/11/2021) Sexta Feira Loron 26 Fulan Novebru 2021, Kompañia Arlei Henlice Unipesoal Lda Estrega Projetu Konstrusaun Edefisiu Eskola Tékniku Vokasional Arrigola Maulau ba Administrador Municipio Ainaro.

Ba Jornalista Radio Komunidade Maubisse Mau-Loko Derektora Kompañia Arlei Henlice, Letizia Imaculada do Rosario Soares Afirma katak, ” Ita nia Objetivu ohin ne’e hodi bele entraga Xave husi Eskola ne’ebe ami konstroi deste 2019, Komu iha problema Mundial hanesan ita hotu hatene iha Covid entau ami nia Konstrusaun ne’e iha paradu itoan. Entaun ami so bele finaliza iha fulan kotuk no ohin loron ami disidi atu entraga xave ba Sr. Administrador hodi entrag ba Edukasaun” Afirma nia 26/11/2021.

Husu Kona ba Montante Orsamentu ba Konstrusaun Eskola refere Direktora Kompañia ne’e hatan katak ” Eskola ida ne’e iha sala Nene Sala dos Prifessores iha 1 haris fatin feto ho mane ketak-ketak. Obra ida ne’e iha Montante Duzentus Mil ital, inagurasaun ne’e depende ba Edukasaun sira, sira maka atu halo nusa depende ba sira” Hatutan Letizia.

Fatin hanesan Administrador Municipio Ainaro Leovigildo Amaral Pereira, Hafoin de Semu Xave no asina Termu de entrega ba Finalizasaun Projetu Konstrusaun ida ne’e iha Suku Maulau Maubisse Hateten ho nia Presenza ida ne’e laos atu halo inagurasaun maibe entrga deit Xafe husi Parte Kompañia ba Autoridade Máximu Municipio Ainaro.

“Ohin mai laos halo ingurasaun entraga deit xave ba Eskola ida ne’e, tamba kompañia finaliza ona projetu ida ne’e atinji ona 90%” Deklara Leovigildo ba Jornalista RKMM.

Tamba ne’e Autoridade Máximu Municipio Ainaro ne’e Apela ba Komunidade Suku Mau-Lau Atu tau matan no Kuida edefisiu furak ida ne’e tamba partense ona i sai hanesan komunidade Suku Mau-Lau nian.”Fó sai Komunidade sira hot-hotu projetu ne’ebe relija husi Kompñia ne’e ita bo’ot sira tau matan ne’e sai ona nain ba Komunidade Suku Maulau ne’e. Edefisiu ida ne’e hau hanoin diak liu iha Maulau ne’e, ne’ebe hot-hotu kuida hanesan ita bo’ot sira nian” Hameno Administrador Municipio Ainaro ba Komunidade Suku Maulau Maubisse.

Entertanto Hafoin de Kompañia entraga Xave ba Administrador Municipio Ainaro, Kuntinua kedan Estrga ba Parte Edukasaun  Reprejenta husi Inspektur Eskola Postu Administrativo Maubisse Zona A, no kuntinua Entraga ba Responsavel Eskola ESTVA Suku Maulau.

Jornalista         :Natalino Mendonça

Editor              :Moises da Silva Magno