Familia Padre Levinson da Conceição Verdial, Sr. António Magno Hato’o Obrigado ho Ksolok Tamba Sira Nia Oan Sai Ona Saseluk Cristo Nian.

Racom Maubisse: Iha loron 18 Fulan Outubro 2021, Ainaro oan ida ofrece An Sai Saseluk Cristo Nian, hodi haklaken Nai nia futar Lia Fuan ba Nia emar sira iha rai Timor, partikularmente Diocese Maliana, relasiona ho ida ne’e, Bispu da Diocese de Maliana Dom Norberto do Amaral ne’ebe akompanha husi Archebispu Metropolitana Dili, Dom Virgilho do Carmo da Silva, SDB, Dom Basilio do Nascimento, Reprezentante Santa Sé iha Timor Leste, ordena Amu lulik nain rua iha Paroquia São João de Brito Liquica.

Ba Radio Komunidade Maubisse Mauloko, Reprezentante Familia Amu Levinson da Conceição Verdial, em Nome Sr. Antonio Magno hateten katak;

“Iha oportunidade ida ne’e Lori familia bo’ot Ainaro ho uma ho ahi hato’o agradece  no ksolok boot tamba ohin ami nia oan mane ida bele sai nai lulik ou saseluk Cristo ninian, tamba iha ami nia uma lisan ne’e talves primeira pessoa, tamba ami iha uma tolu ahi tolu, e uma ida mak sai tiha ona padre mak amu Rocky, no uma rua nian mak sai ona amu lulik hanesan Amu Natalino ho Amu Sabino, no uma lisan ida seluk Darha ne’e mak foin sai Nai lulik ne’e, tamba ne’e familia agradece no hato’o obrigadu barak tamba ami nia oan bele sai ona Cristo Nia saseluk, nune’e bele haklaken Nai Nia evangelho ba ami tomak, katak kami iha nakukun laran maibe agra iha ona naroman nia laran”.

Iha Fatin hanesan Antes de ordenasaun, Iha Homilia Amu Bispu da Diocese de Maliana Dom Norberto do Amaral hateten katak; Estuda Sai Padre Ne’e La Facil, Tenke Tasak Didiak; “Konhece Maromak, Komunika Ho Maromak, no Relasaun ho Maromak Metin”

Padre Levinson da Conceição Verdial husi Municipiu Ainaro, durante ne’e halao nia estudo iha Seminario Mayor Fatumeta Dili, e estudo ne’ebe nia halao kuaze tinan sanulu resin lima, iha teologia no filosofia, oras ne’e dadaun nia halao knar iha Diocese Maliana.

Jornalista        : Natalino mendonca

Editor              : Joaquim Coutinho