Komite 12 de Novembru Ho Familia Inagura Monumentu Saudoza Eulalia De Jejus Araujo Iha Ainaro Vila.
Racom Maubisse: Iha tinan rua nulu resin liu ba jovem lubuk ida mak mate iha Semiterio Santa Crus Dili, tamba hetan tiru no torturasaun husi militar Indonesia, e iha akontesimentu masakre bo’ot ida ne’e juventude feto ida husi municipiu Ainaro mos lakon vida.
Relasiona ho ida ne’e Komite 12 de Novembru hamutuk ho familia iha Sabadu foin lalais ne’e inagura monumetu Saudoza Eulalia de Jesus Araujo iha Municipiu Ainaro.
Iha intervista ba radio Komunidade Maubisse Mauloko;
Prezidente Komite 12 De Novembru Gregorio Saldanha, agradese ba familia Saudoza nian neebe hari ona monumen ida hodi fo onra ba saudoza nia kontribuisaun ba libertasaun nasional.
Hanesan familia sente triste tamba lakon nia oan feto ida iha sira nia le’et, maibe iha sorin seluk orguho tamba liu husi akontesimentu masakre Santa Cruz sira nia oan feto fo vida hodi luta ba libertasaun nasional, ne’ebe ikus mai hetan duni rejultadu mak ita ukun rasik-an.
Nune’e reprezentante familia em nome Henrique De Araujo Corte Real hateten;
Ami sente orgulho tamba ho ami nia oan nia kontribuisaun ba luta ida ne’e ikus mai folin ho independencia tamba ne’e maske nia mate maibe rejultadu iha mak liberta ita rain husi invazor Indonesia.
Husu konaba total orsamentu hira mak halao konstrusaun ba monimentu ne’e, reprezentante familia em nome Henrique De Araujo Corte Real hateten;
Konstrusaun monumentu ida ne’e inisiativa husi familia nian ho total osamentu ba konstruisaun besik Dolar Amerikanu Rihun Sanulu.
Entretantu hola parte iha inagurasaun ne’e Atoridade Munisipio No Suku Inklui Familia Matebian Eulalia De Jejus Araujo Iha Munisipio Ainaro Nomos Munisipio Sira Seluk.
Jornalista : Natalino Mendonca
Editor : Joaquim Coutinho
