by

Welly Yuniarty: Participa iha Loron Mundial Ba Labarik Feto iha Municipiu Ainaro

Racom Maubisse: 11/10/2021, Welly Yuniarty Adjunta Directora Operational Plan Internasional participa mos iha komemorasaun ba loron mundial ba labarik feto iha Municipiu Ainaro, relasiona ho komemorasaun loron internasional ba labarik feto iha Municipiu Ainaro, iha nia diskursu haktuir katak;

“Plan nia metas global foku ba igualdade ba labarik feto iha tinan 2012 no iha Nova Yorke Plan Internasional halo susseso akustika ba ONU hodi bele identifika no dedika loron espesial ba labarik feto, no ONU deside loron 11 fulan Outubro mak sai loron mundial ba labarik feto iha Mundo tomak tamba ne’e loron 11 fulan Outubro Plan Internasional komesa komemora iha tinan 2020 iha global inklui Timor-Leste hodi halo kampanha”.

 Segundo lideransa Plan Internasional ne’e haktuir liu tan katak;

“Kampanha ne’e bazeia ba ami nia dadus relasiona ho menus oportunidade edukasaun ba labarik feto iha mundu tomak, inklui Timor Leste, inan aman balu sociedade balu hanoin labarik feto la presiza eskola, tamba iha loron ikus sei kaben sei tama dapur, tamaba ne’e iha tinan lima nia laran komesa husi 2012 ate 2016 Plan Internasional kontinua halo kompanha mundial konaba labarik feto hetan igualdade”.

 Nune’e mos Wlly Yuniarty hatutan liu tan katak;

 Kampanhia ne’e foku hodi haforsa labarik feto sai lideransa ba sira nia-an rasik no sai lideransa ba iha future, aktividade famozu ne’e mak akontese iha kuaze nasaun walu nulu resin lima ne’ebe mak Plan servisu ba inklui Timor-Leste halao aktividade ho naran Girls take over iha ita nia lian Tetun karik labarik feto hola pozisaun”.

Komesa iha tinan 2015 ita nia oan feto no labarik feto sira hola pozisaun iha ita nia nai ulun nasaun nian hanesan Sua Exselensia Presidente da Republika de Timor-Leste, Sua Exselensia Primeiro Ministro, Exselensia Ministro no Ministra, Secretaria Estado, nomos parte Relevante sira hanesan Edukasaun Sosial, Igualdade no Inkluzaun, Comunikasaun Social, Embaixadores Amerika, Australia, Uniao Europeia, Nova Zelandia, ho Director Diretor/a NGO, Administrador, Komandante Polisia no kargo seluk tan, esperensia hirak ne’e valor tebes ba ami nia oan feto sira.

Tamba ne’e Wlly Yuniarty konklui katak ho aktividades ida ne’e, espera bele motiva sira hodi aprende liu tan eskola to remata hodi bele atinji sira nia mehi iha future, iha biban ne’e mos hakarak agradese ba inan no aman sira ne’ebe mak lori oan feto bele halao aktividade ne’e mos hakarak apresia ba Nai ulun sira ne’ebe mak fo sira nia pozisaun ba oan feto sira iha tempu balun no ami nia oan feto sira ne’ebe hatudu matenek no forti liu, nune’e dala ida tan obrigado.               

Jornalista : Natalino Mendonca

Edito       : Joaquim Coutinho             

Comment