by

Pe. Francisco Fernandes: 2022 Selebra 25 anos Ezistensia Nain Feto Ramelau no Elevasaun Est. Mis. Hato Bulico Sai Paróquia

Racom Maubisse: Kuarta Feira Loron 6-10-2021, ba Radio Komunidade Maubisse Mauloko, Vigario Paroquia Maubisse, Residensia Permanente iha Hatobuilico Padre Francisco Soares Fernandes hateten katak onfrensia imprensa ne’ebe ohin halao iha PortaunBo’ot santuario Ramelau Aigoarem mak atu hamutuk ho Komisaun Organizadora hato ba publiku, liu liu ba Peregrinos no sarani sira konaba Preprasaun Ba Festa Nain Feto Ramelau Ba 25 Anos Iha Tinan 2022 nomos elevasaun ba Estasaun Missionario Hatobuilico sai Paroquia.

Padre Fransisco Soares Fernandes haktuir liu tan katak;

“Ami halo konferensia pers iha santuariu ramelau portaun ba sitiu nain feto ramelau nian ho objetivu ida atu bolu atensaun ba sarani tomak, peregrines tomak iha Timor laran tomak katak tinan oin ita selebra 25 anos existensia Illas  Nain Feto Ramelau e mos halo tomada de posse ba komisaun organizadora ne’ebe kompostu husi Maubisse ho Hatobuilico, nune’e bele halo prparasaun ba tinan oin selebra 25 anos existensia illas nain feto ramelau nomos sei eleva estasaun hatubuiliko ba sai paroquia nune’e mos inagurasaun ba igrija, kartoriu, salaun no sei realiza sakramentu krisma iha tempu ne’eba”.

Mensajem ne’ebe Padre Fransisco husik hela maka;

“Husu ba Hatubuilico oan sira hotu nebe maka namkari iha Timor laran tomak, nomos ba peregrinu sira mak hotu-hotu serbisu hamutuk ho komisaun, nune’e ita bele halo preparasaun diak liu tan ba festa rua ne’e ida ba 25 anos eistensia Nain Feto iha Ramelau, ida seluk ba festa elevasaun estasaun missionariu Hatobuilico ba paroquia, basa ami mesak labele, maibe ita hamutuk halo festa ne’e sai furak  liu tan hodi fo Gloria ba Maromak”.

Ho Ezistensia Nain Feto Ramelau ne’ebe besik oan 25 anos, no elevasaun Estasaun Missionario Hatobuilico Sai Paroquia hatudu katak Sarani Hatobuilico preparadu ona hodi simu todan ida ne’e, tamba iha tinan 24 liu ba Sarani sira hamutuk ho Amu Bispu Maliana ne’ebe iha tempu ne’eba hanesan Pároco Maubisse, kahe kabas ba malun no lian ida deit, hodi lori ona Illas Nain Feto ba Hatur ona iha Ramelau, no oras ne’e halo tan preparasaun hamutuk ho Amu Francisco hodi lori Estasaun Missionario Paroquia, tamba ne’e labele fahe malu mai hamutuk ho hanoin ida deit kahe kabas ba malun, no tula dikur ba malun maske hasoru dezafius, maibe ba Maromak buat ida la susar.

Jornalista : Natalino Jose Mendonça do Rego

Editor        : Joaquim de Fátima Coutinho

Comment