Moises Mota Presidente Komisaun Festa 25 Anus Ezistensia Nain Feto Ramelau no Elevasaun Hatobuilico Sai Paroquia iha 2022

0
265 views

Racom Maubisse: Posto Administrativo de Hatobuilico, maka Posto Administrativo ida hola Parte ka hamahan-an iha Municipiu Ainaro, nomos hamahan an iha Paroquia Imaculado Coracão de Mai Maubisse, tuir fontes konfirmadu katak besik tinan atus ida mak hatobuilico foin hetan avafor husi diocese de Dili hodi sai hanesan Paroquia hanesan mos Paroquia seluk iha rai Timor lorosa’e.

Ba biban murak no kmanek ida ne’e, sarani tomak husi posto Hatobuilico sente orgulho no basa liman dahur no tebes hodi simu mensajem furak no kmos ida ne’e. ho nune’e oinsa mak bele simu premiu fiar ida ne’e? maka liu husi konfrensia da imprensa ne’ebe halao iha loron 6 fulan Outubro 2021 iha Portaun bo’ot Santuario nain Feto Ramelau iha Loro karaik maisomenus tuku 04:00 hodi anuncio ba sarani tomak inklui publiku tomak konaba tomada de posse ba komemorasaun ezistensia Nain Feto Ramelau ne’ebe sei kompleta 25 anus iha 2022, no Estasaun Missionario Hatobuilico Sai Paroquia.

Ba radio komunidade maubisse mauloko 06-10/2021; Relasiona ho komemorasaun 25 anos ezistensia Nain Feto ramelau no Elevasaun Estasaun Missinonario Hatobuilico sai Paroquia, Presidente Komissaun Organizadora Moises Mota hateten katak;

“Atu festa bo’ot rua ne’e lao diak maka ema hotu, liu liu hatobuilico oan sira tenke servisu makas, kria paz, dame no unidade eon ida laran ida hodi bele simu no halao festa bo’ot rua ne’e ho diak, tamba ne’e em nome komisaun organizadora Husu Hatubuiliko oan sira hotu atu ita tenki prepara-an diak  atu selebra ou festeza festa ne’e ho diak

Presidente Komisaun Organizadora ba Festa Ezistensia Nain Feto Ramelau ho Elevasaun Estasaun Missionario Hatobuilico Sai Paróquia haktuir liu tan katak;

“Ita nia konferensia primeiru ohin ita halo nee atu halo preparasaun, nee primeiru, segundu tanba  ita senti iha 2022 mai ne’e ita nia festa boot  ne’ebe sei realiza, entaun ita hanesan ema Hatubuiliko oan ita tenki prepara-an diak hodi selebra ou festeza festa ne’e ho diak, tamba ne’e hus ba suku tolu aldeia 21  ne’ebé mak senti nia aan raan fakar iha rai ida ne’e, mai tau liman hamutuk ita lori hatubuiliko ba ba oin ho sussesu”.

Festa bo’ot rua hanesan mensiona iha leten sei akontese iha dia 06 de Outubro 2021 to’o dia 07 de Outubro 2021, ne’e atu dehan katak festa boot sira nune’e la facil hanesan ema koalia, maibe tenke iha preparasaun ida ke bem feito nune’e bele alkansa objektivu. Tamba ne’e husu ba Hatobuilico Oan sira iha ne’ebe diet atu hamutuk no kontribui ideis, moral, material no spiritual, nune’e bele alkan mehi no planu sira ne’ebe planeia ona sai realidade, basa ema ida rua deit sei labele alkansa maibe hamtuk tau forsa ida deit sei bele no bele hodi atinji bjektivu.

Jornalista : Natalino Jose do Rego

Editor        : Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments