by

Embaixador Nova Zelandia Philip Hewitt, Orgulho Komunidade Maubisse ho Aileu Produs Café Ho Kualidade Diak

Agensia Internasional The Asia Fundation ho servisu hamtuk ho ACT Organiza aktividades kompetisaun nivel rejional café iha Municipiu Aileu, 09 Outubro 2021, ne’ebe kompostu husi grupo café hamutuk 18.

Racom Maubisse: Iha eventu rejional konaba café ne’e, marka prezensa husi Embaixador Novazelandia ho nia Espoza, Embaizador Uniaun Eropeia ho nia Espoza, Reprezentante Administrador Municipiu Aileu, konvidadus, media inklui grupo café sira husi Maubisse Ainaro ho Aileu.

Iha Diskursu Emabizador Nova Zelandia Philip Hewitt, hateten katak nia sente priveleziu no Orgulho ba Komunidade Aileu ho Maubisse tamba produs café Hho kualidade diak tebes;

“Ha’u louva tebes iniciativa husi ekipa The Asia Fundation hodi organiza eventu ida ne’e ho mos agradece ba ACT  hodi organiza eventu ida ne’e no hili Aileu hodi realiza eventu ne’e, parabens ba Aileu”.

Embaixador Nova Zelandia ne’e argumenta liu tan katak:

Governu Nova Zelandia iha komitmentu hodi servisu hamutuk ho governu Timor Leste atu apoia sustentabilidade  ba dezemvolvimentu seitor café no turismu iha Timor Leste e hanesan ita hatene katak café sai hanesan identidade Timor nian, tamba ne’e ita preserva nafatin hodi nune’e kualidade, café Timor nia naran boot nafatin tamba hare ba nia kualidade as tebes.

Antes embaixador ne’e termina nia diskursu iha kompetisaun café nivel rejional ne’ebe halao iha Municipiu Aileu, diplomata ne’e haklean liu tan katak:

“Hau orgulho ba Aileu ho Maubisse tamba produs café ho kualidade diak tebes tamba durante tempu naruk nia la at, tamba Bainhira hau hare pajina facebook Dr. Jose Ramos Horta nian,  ofrece café ba Santo Padre no Ramos Horta husu ba Santo Padre hemu deit mak café Timor nian, ohin ita hamutuk iha ne’e hodi akompanha competitor hamutuk nain 18   oinsa sira bele prepara café tuir metudo ka modelu tradisional nian ne’ebe mak sira hatene hodi aprezenta ba participantes sira, tamba ne’e dala ida tan apresia ba ACT ho TAF hodi   promove diak liu tan café Timor nian, liu liu ba café nain sira husi Maubisse ho Aileu”.

Depois de diskursu husi Diplomata Nova Zelandia ne’e, vijita mos kintal café iha Kinta Portugal Aileu kuaze oras ida hodi hetan esplikasaun husi tos nain iha Kinta Portugal, no fila husi Kinta Portugal, mai centro juventude Aileu hodi koko café ne’ebe mak grupo sira halo, no ikus mai manan nain ba kompetisaun café nivel rejional ne’e husi Restorante Sara Maubisse, em nome Maria Mendonca, Segundo Lugar Rosa husi Maubisse no terseiro lugar husi Municipiu Aileu.

Jornalista        : Natalino Jose Mendonça do Rego

Editor              : Joaquim Coutinho de Fátima  

Comment