by

ARKTL-RACOM Maubisse no ESTVA Distribui Sertifikadu ba Estudante 11 iha ESTVA Horaquic Maubisse

Racom Maubisse: Asosiasaun Radio Komunidade Timor Leste, Radio Komunidade Maubisse Mauloko, hamutuk ho Escola Secundario tecnico Vocasional Agricola Horaquic Maubisse, Halao Serimonia distribuisaun sertifikadu ba estudante 11 iha Salao Encontru ESTVA Hoaquic Maubisse, 25/09/2021.

Serimonia distribuisaun Sertifikadu ba estudante 11 ne’ebe halao iha ESTVA Horaquic Maubisse ne’e tamba estudante sira halao ona treinamentu ka formasaun no estajiu durante fulan tolu iha Radio Komunidade Maubisse, konaba jornalismu baziku radio fuzaun.

Ba Radio Komunidade Maubisse Mauloko, Prezado Ximenes nu’udar Presidente Asossiasaun Radio Timor-Leste/ ARKTL hateten katak;

“Ohin loron hau mai iha Maubisse, Hau atu bele hamutk ho Radio Komunidade Maubisse Mauloko ne’ebe mak durante fulan tolu nia oferece ona nia servisu fo formasaun ba Eskola Teknika Vokasional Agrikula Maubisse kona ba formasaun jornalizmo baziku, Radio Maubisse Mauloko m os oferese ona biban ba Estudante sira atu halo estajiu iha ne’eba ohin loron ikus no loron ne’ebe ke Radio Maubisse Mauloko ho nia esforsu tomak ho hakar fo rekonesimento ba alin estudante sira ne’ebe mak hetan ona formasaun liu husi seremonia fahe sertifikadu entaun sira konvida Asossiasaun Radio mai iha ne’e atu atu hola parte mos iha servisu ne’ebe mak sira halo durante  ne’e”.

Presidente ARKTL ne’e argumenta liu tan katak em prinsipiu ARKTL sempre fo formasaun ba Radio Komunidade Sira hodi hakbi’it kapacidade radio komunidade sira oinsa mak bele iha kapasidade iha area tekniku no mos area sira seluk;

 “Em Prensipio Asossiasaun Radio Komunidade Timor-Leste sempre fo formasaun ba Radio Komunidade sira para atu iha kbi’it rasaik iha kapasidade rasik oinsa mak sira bele fahe sira nia  kapasidade  tekniku, sira nia kapasidade iha parte  jestaun  ba komunidade sira atu bele aprende atu bele dezenvolve  an atu sai forte liu tan liu husi Radio ne’ebe ke sira produz, Asossiasaun Radio his komitmento bo’ot hakarak atu suporta Radio Komunidade sira iha Timor-Leste atu bele produz progarama sira ne’ebe ke relevante  ho saida mak komunidade sira presiza, por ezemplo buat ki’ik ida mak agora dadaun ita halo  ita hotu hatene katak grupo komunidade barak   hakarak atu aprende kona ba saida mak jornalismo no Radio Komunidade sira iha kapasidade tekniku iha rekursu  maibe sira mos iha frakeza iha parte balu hanesan orsamento, entaun liu husi coperasaun entre Radio Komunidade sira ho Asosiasaun Radio Komunidade it abele bukan ruma para oinsa bele hetan fundos ruma atu suporta aktividades ruma hanesan ohin, Hau atu dehan deit katak saida mak durante ne’e ita halo buat ki’ik ida buat ne’ebe ke presiza kontinua  agora atu kontinua nemak presiza iha esforsu ne’ebe mak boot liu tan Hau apela ba Secretario Estado da Comunicação Social/SECOMS  ne’ebe ke tinan-tinan sira iha fundos atu suporta Radio Komunidade sira hau karik aloka fundos espesifik ida ba Radio Komunidade para Radio bele kria programa sira ne’ebe ke relevante ho komunidade nia presiza por ezemplo liu husi formasaun no liu husi prograna sira bne’ebe mak envolve no enkoraza komunidade par abele partisipa  programa Radio Komunidade sira, ita muda Radio komunidade sai fatin formasaun ne’ebe ke bele kontribui atu dezednvolve sosiedade ida ke forte, sosiedade ida ne’ebe ke Timor-Leste prisiza ba iha futuro, sosiedade ne’ebe atu fo solusaun atu rezolve problema Nasaun nian”.

President ARKTL ne’e iha esperansa no fiar katak wainhira governu ho Organizasaun Naun Governamental sira iha nivel municipiu ho nasional iha boa vontade hodi ajuda radio komunidade sira neneik ba neneik radio komunidade bele hetan progragresu;

“Hau iha fiar katak wainhira Governo ONG iha nivel Munisipio ONG sira iha nivel Nasaional  ONG internasional sira ita hamutuk ita dezenvolve media komunitaria forte iha Timor, media komunitaria bele sai media ida ne’ebe ke bele fo solusaun ba problrma oi-oin ital abele laran metin deit ba media Nasional to tempo ona ita tenke haforsa media sira nivel munisipio  liu-liu  mdia Radio Komunkitaria sira tamba sira mak besik liu ba sosiedade, besiki liu ba komunidade  sira mak hatene saida mak komunidade presiza, Hau repete tan dala ida hau husu bs SECOMS liu-liu  sua Ex.cia Sekretari Estado Komunikasaun social atu bele iha tinan oin aloka orsamento espesifik ida ba Radio Komunidade sira  atu produz program sira ne’ebe ke relevante ho komunidade nia presiza”.

Ho Treinamentu Jornalismu baziku radio fuzaun ne’ebe hetan apoiu husi UNESCO no ARKTL ba oin Radio Komunidade Maubisse Mau-Loko, bele iha mudansa tamba Radio Komunidade Maubisse hanesan media lokal ne’ebe esiste iha Posto Maubisse. Signifika katak aktividade media em jeral no espesifiku Radio komunidade  hanesan organizasaun ida ne’ebe aprende no forma ema atu sai ema ne’ebe iha kualidade, liu husi dalan oi-oin hanesan tekniku, opera radio, oinsa mak bele koalia, oinsa mak bele hato’o informasaun ne’ebe ho kualiadade iha aspetu hotu-hotu, nune’e bele serve komunidade ho diak, no partikularmenete komunidade iha Posto Maubisse.

Relasiona ho papel media hodi transmite informasaun ba komunidade iha parte hotu-hotu, maka aktividade Radio Komunidade Maubisse Mau-Loko hanesan media lokal ida ne’ebe eziste iha Maubisse precisa fo apoiu liu husi informasaun no mos halao kooperasaun ho entidade hotu-hotu nune’e bele servi komunidade ho diak liu husi desemina informasaun, hanesan konsagra ona iha Konstituisaun da Republika Demokratika de Timor-Leste (RDTL artigu 41˚)

Tuir asesmentu ne’ebe jornalista sira halao, katak komunidade Maubisse sente orgulho tebes ho prezensa Radio Komunidade iha Maubisse, tamba ho Radio Komunidade Maubisse bele transmite informasaun husi parte hotu hodi fo sai ba komunidade kona ba dezemvolvimentu saida mak lao iha Sub-Distrito Maubisse no fatin seluk. Ho ida ne’e Komunidade Maubisse iha esperansa katak ba oin Radio Komunidade Maubisse sei sai diak liu tan no buras ba babeik hodi atenede komunidade liu husi informasaun.

Jornalista        : Aplonya Nony Martins

Editor              : Joaquim Coutinho

Comment