by

Aguida Judit: Hamutuk Ho PARCIC Distribui Material Konstrusaun Ba Komunidade Ne’ebe Afeta Dezaste Naturais 4 De Abril

Racom Maubisse: Ba Radio Komunidade Maubisse mauloko, iha dia 24 de Setembro 2021, Secretaria Administrador Munisipio Ainaro Aguida Judit Mendonça hateten katak, ohin iha ne’e ho Ekipa Protesaun Sivil Municipiu Ainaro, PARCIC atu halao lansamentu ba distribuisaun material konstrusaun ba familia uma kain 25 ne’ebe mak afetadu husi desastre naturais ne’ebe mak akontese iha dia 4 de Abril 2021 liu ba.

Tamba ne’e tuir Secretaria Municipiu Ainaro ne’e katak; “Atividade loron ohin ninian maka ita halo distribuisaun material rekuperasaun ba iha vitima dezastre sira iha postu administrativu Maubisse ne’ebe maka ita servisu hamutuk ho ita ninia parseiru PARCIC ne’ebe maka hetan apoiu husi komunidade Japaun ne’ebe maka liu husi PARCIC i servisu hamutuk ho ita ninia ekipa dezastre Munisipio Ainaro ne’ebe maka ohin ita realiza ona distribuisaun material ba iha rekoperasaun, ita ninia vitima hamutuk nain 25 ne’ebe mak ita husi munisipio sujere ba iha ita ninia parseiro PARCIC atu bele fo apoiu tamba ne’e mak ohin ita marka prejensa iha ne’e para halo distribuisaun ofisialmente ba iha vitima dezastre sira”.  

Iiha dia kuatru de Abril 2021, Timor Leste hasoru situasaun sikloni ne’ebe susar tebes no ho situasaun ida ne’e lori tristesa mai Timor Leste, inklui mos posto administrative de Maubisse Maunicipiu Ainaro, ne’ebe halakon ema kuaze nain 8 to’o nain 9 nia vida, inklui uma no sasan estragus hotu.

Jornalista        : Milvia Maria

Editor              : Joaquim Coutinho  

Comment