by

Organizasaun Arte Marsiais KORK Halaó Kongresu Estra-Ordináriu Iha Municipiu Ainaro Hodi Hametin Estrutura Iha Baze

Racom Maubisse: Kada Tinan Organizasaun Arte Marsiais Kmanek Oan Raik Laran – KORK halaó kongresu estra-ordináriu hodi hametin estrutura iha baze, maske iha tinan ida rua ba kotuk labele selebra kongresu tamba ligadu ho moras pandemia kovid-19, maibe ba tinan ida ne’e KORKA konsege halo tamba hare ba situasaun real iha rai laran livre uitoan, maske hasoru hela situasaun pandemia kovid-19.

Tamba ne’e iha Segunda Feira semana ne’e 13 de Setembro, Organizasaun Arte Marsiais Kmanek Oan Raik Laran – KORK halaó kongresu estra-ordináriu tinan 2021, iha Munisipio Ainaro, hodi hametin liu tan estrutura organizasaun nian nuneé priense rekejitu hodi halo rejistrasaun.

Ba Radio Komunidade Maubisse Mauloko, Sekretáriu Estadu Juventude no Desporto Abrão Saldanha hateten katak;

“Polítika governu nian maka kada organizasaun arte marsiais atu registu tenke halao kongresu nune’e bele priense rekizitus nuneé bele hanorin arte marsias ho diak no legal”.

Iha serimonia koregsu ne’ebe halao husi KORKA iha Municipiu Ainaro ne’e, marka mos prezensa husi Xefe Estado Maijor General Forsas Armadas Tenente General Lere Anan Timor, nune’e iha intervensaun Lider F-FDTL ne’e hateten mos katak:

“Xave importante atu hatúr organizasaun arte marsiais lao ho diak mak kria lei ida forte, nune’e bele regula organizasaun artemarsias sira”.

Aliened ida ne’e Mestre boót KORK Jose Do  Santos Naimori Bucar ne’ebe hanesan fundador no mos responsabel maksimu ba organizasaun KORKA iha nia intervensaun perante kongresu, afirma katak;

“KORK hanesan arte marias ida neébe la iha ligasaun ho Partido KHUNTO  tuir intrepretasaun iha mídia social”.

Entertantu Serimonia kongresu extraordinario KORK ba tinan 2021 iha munisipio Ainaro, marka prejensa husi Secretáriu Estado Juventude No Desportu, Xefe Estado Maijor General Forsas Armadas F-FDTL, Lere Anan Timur KRAM Nasional, inklui membru Estrutura Arte Marias KORK Iha Munisipio Ainaro.

Jornalista            : Natalino Mendonca

Editor                    : Joaquim de Fatima Coutinho

Comment