by

Dra. Gabriela Da C. P. Magno: Komunidade Ne’ebe Simu Vasina Hamutuk 764

Racom Maubisse: Iha intervista ba Radio Komunidade Maubisse Mauloko, Director Hospital Referral Maubisse, dra. Gabriela da Conceição Pereira Magno hateten katak;

“Duranfulan Junho mai to’o fulan Setembro 2021, Hospital Referral Maubisse registu ona komunidade ne’ebe simu vasina hamutuk 764. Total numero komunidade ne’ebe simu vasina iha doze primeiro  hamutuk 511, kompostu husi feto 224 no mane 28, no komunidade ne’ebe mak simu vasina iha doze daruak hamutuk 253, kompostu husi feto 111  no mane 142 hamutuk 764, Inklui mos Dificiente ida mane 1”.

Directora Hospital Referral Maubisse ne’e haktuir liu tan katak,; “Parte hospital referral Maubisse sei halao programa vazinasaun ne’eto’o deit iha fulan Setembro tamba hare ba participasaun komunidade menus, tamba ne’e programa ne’e sei entrega hotu ba klinika Santo Joaquim Maubisse mak sei responsabiliza no parte Hospital Referral maubisse sei atende fali pasiente sira seluk iha Hospital Referral Maubisse”.

Entertantu husu konaba oinsa servisu lor loron ne’ebe lao iha hospital referral Maubisse, tuir lider HRMBS ne’e katak;  

“Servisu sira lao diak hela bazeia ba regras sira ne’ebe mak estabelse ona iha hospital Referral Maubisse, tamba parte hospital fahe ona servisu sira tuir ida idak nia pozisaun”.

Nune’e mos husu konaba dezafius saida mak durante ne’e parte hospital referral Maubisse hasoru, liu liu iha halao programa vasinasaun, directora Hospital Referral Maubisse ne’e hateten katak, “Difikuldades ne’ebe hasoru mak dala barak komunidade sira lakohi vasina, tamba rona liu informasaun falsu sira iha publiku, ema moras sira ladun mai hospital, no pessoal saude sira ba iha posto saude sira hein komunidade sira atu mai vasina maibe komunidade sira la mai”.

Maske situasaun iha terenu hatudu katak komunidade barak mak seidauk vasina no lamai vasina, maibe Hospital Referral Maubisse halao servisu nafatin tuir politika governu nian liu husi Ministeriu Saude katak parte saude tenke buka meus oi oin nune’e bele konvense komunidade sira mai participa iha programa vasinasaun, tamba ita nia saude iha ita nia liman rasik.

Jornalista            : Aplonia Nony Martins

Editor                    : Joaquim de Fatima Coutinho

Comment