by

Cristovo da S. Pacheco Preokupa Kondisaun Estrada ho Eletricidade iha Aldeia Manumera ho Maulahulu, Hatobuilico

Racom Maubisse: Ba Radio Komunidade Maubisse Mauloko, Komunidade Cristovao da Silva Paicheco hateten katak;

 “Nia parte preokupa ho kondisaun Estrada ne’ebe kondisaun at tebes nomos roman eletricidade ne’ebe mak to’o oras ne’e seidauk dada ba sira nia aldeia, maske iha tinan hirak liu ba kompanhia lubuk id aba sukat ona Estrada ne’e maibe ate a data seidauk realiza, tamba ne’e nia parte sente laran triste tamba iha aldeia Manumera ho Aldeia Maulahulu, riku ho produtu local hanesan repolho, fehuk ropa, aifuan, aifunan, ho tan produtu local seluk, e alende ida ne’e Manumera ho Maulahulu mos sai hanesan fatin ba turismu, maibe ate adata, governu seidauk iha planu diak hodi dezemvolve ka hadia”. Lia hirak ne’e hato’o iha Aldeia Manumera 10/09/2021

Iha parte seluk komunidade Cristovo mos kestiona konaba linha eletricidade ne’ebe mak seidauk dada ka liga ba aldeia rua ne’e, maske iha tinan ida liu ba governu liu husi Gabinete primeiro ministro nian, vijita ona fatin ne’e no halo ona promesa balun katak, la kleur kompanhia sira sei mai dada ahi eletricidade iha aldeia rua manumera ho maulahulu.

“Tuir nia katak, iha vijita gabinete Primeiro Ministro ne’e komunidade sira sosi osan hodi sosa tais no sosa mos aihan sira hodi simu sira liu husi tebe no dahur, maibe ikus mai promesa sira ne’e la realiza”.

Tamba ne’e Cristovo husu atu parte relevante tenke kumpri promesa sira nune’e bele dada ahi ba komunidade aldeia rua, Manumera ho Maulahulu.

“Cristovo hatutan liu tan katak, ho roman eletrisidade  nia roman bele ajuda komunidade hodi asesu ba edukasaun liu husi oan sira nia estuda iha kalan, se la iha roman eletricidade mak sei difikulta komunidade nia oan sira hodi estuda ho diak iha tempu kalan”.

Hare ba realidade ida ne’e katak se laiha roman eletricidade mak bele difikulta komunidade sira nia aon hodi esuda iha tempu kalan.

Jornalista : Joaquim de Fatima Coutinho

Editora : Teresa Mendonça Nunes

Comment