Tuir Xefe Aldeia Hatu-Serque Alfredo do Carmo Araujo ba Jornalista Radio Komunidade Maubisse Mauloko Kuarta Loron 03 Fulan Junho ne’e haktuir.

“Estrada ne’ebe maka hosi Area Ainaro Mai Parte Nunumoge liga ba Ermera ne’eba tanba iha Suku Nunumoge ne’e kompostu hosi Aldeia Walu(8) Hosi Kompanhia sira mai survei no sukat ona maibe to ohin loron rejultado laiha. Ne’ebe’e ami husu ba Nai ulun Sira bele hanoin to’ok dalan ida hanesan ne’e tamba dalan ida ne’e mós liga hosi Municipio Ainaro ba Ermera,tanba iha ne’e se dalan ne’e maka hanesan ne’e iha tempu udan prdutu lokál hanesan kafé karreta mai la diak e lori fali mós modo ba fan iha merkadu labele ba tanba Kondisaun fo impaktu tebes ba Komunidade sira nia moris.” Hateten Xefe Aldeia Hatserque 03/06/2021.

Aleinde ida ne’e difikulta mós Vizitantes sira ne’ebe maka vizita ba Ilhas Nain Feto iha Foho Ramelau  Loron 7 fulan outubru kada tinan. Tanba Foho Ramelau la’o ba ema ida de’it maibe ba fatin hotu-hotu Tanba ne’e xefe aldeia ne’e husu ba Governo Atu tau Mós Atensaun ba iha Preokupasaun  ne’e.

Preokupasaun hanesan hato’o  mós husi Juventude Suku Nunumoge Elias Pereira Xavier ne’ebe maka Asumi knar hanesan Konsellu Juventude Postu Administrativo Hatobuilico hateten.

“Dezemvolvemento importante ida  maka Seitor Infrastrutura hanesan Estrada, Eletrisidade, Be’e moos, no Edukasaun. Husi ita nia dalan Nasionál di’ak ona maibe ita nia dalan sira hanesan komunika bá Ramelau ne’e hau hanoin Estrada ida ne’ebe grave tebes ne’ebé ha’u hanoin dala ruma ita Preokupa ba iha seitor Turizmu maibe baze ba Turizmu ne’e maka Estrada, liga mós Produtu lokál Povu nian dala barak Povu sira labele lori sira nia produtu lokál asesu ba iha merkadu, maibe tanba nesesidade obriga Pasiénsia tenki tula de’it ho kuda.”Hateten Juventude Suku Nunumoge ba jornalista Racom Maubisse 03/06/2021.

Tanba ne’e Juventude ne’e husu ba Ministeriu Obras Públika atu tau Prioridade ba iha preokupasaun hirak ne’e  tanba Foho Ramelau sai hanesan Fatin ida ne’e maka sai koinesidu iha Timor no Mundu.

Jornalista         : Junior Martins Villa Editor              : Moisese da Silva Magno