Konsulta popular ne’ebe realiza iha dia 30 de Agosto 1999, husi Nasoes Unidas, fo tebes anin fresku ba povu Timor Leste, hodi disidi nia futuru. Relasiona ho loron historiku ida ne’e, maske la selebra serimonia bo’ot hodi komemora, tamba Timor Leste hasoru hela pandemia Covid-19, maka autoridade local foti iniciativa liu husi apoia ne’ebe ofrece husi Sidadaun Inglensa ida Laura Francis nia apoia hodi ba selebra hamutuk loron onsulta popular iha Suco Maulau, liu husi distribui nececidade baziku ba uma kain 30 kompostu husi Suco tolu mak hanesan Suco Maulau, Suco Malelobas no Suco Edi.

Iha abertura CDO Posto Administrativo de maubisse, Xixto Alves Lemos Hateten katak tamba ohin selebra aniversariu konsulta popular ba dala 22  nebe halao iha tinan 1999 ba kotuk, tamba oda ne’e husi posto Administrativu de Maubisse, hamutuk ho responsabel radio komunidade maubisse halo planu atu iha dia 30 de Agosto 2021 ida ne’e fo netik apoia ruma nebe mak ofrece husi ita nia maluk ida husi rai Inglaterra, e maluk ida ne’e laos Timor Oan maibe male tamba uluk nia mai halao peskiza iha Maubisse durante tinan ida konaba kultura, ho nune’e wainhira nia hare ita maubisse hetan dezastre, liu husi media, entaun nia desidi hodi fo apoia mai ita maske la barak, maibe pelumenus bele ajuda maluk afetadu balun iha suco Maulau, Suco manelobas no Suco Edi.

Orsamentu ne’ebe hetan husi Laura Francis husi Inglatera hamutuk $ 1,635.00 no Iha programa distribuisaun nececidade baziku refere marka prezensa husi Oficial Governu Local Posto Maubisse, Komandante PNTL posto Maubisse, Adjunto Komandante PNTL, CDO Posto Maubisse, Chefe Suco Maulau, Manelobas no reprezentan chefe Suco Edi ho media.

Jornalista Joaquim de Fatima Coutinho

Editor Joaquim de Fatima Coutinho