Koordenadora EBF 1, 2 Leo-Telo Maria Imaculada Agradeze ba Plan Internasional

0
459 views

Koordenadora EBF 1, 2 Leo-Telo Maria Imaculada Agradeze ba Plan Internasional.

Maria Imaculada de Araujo hanesan Koordenadora Eskola EBF 1,2 Leo-Telo hato’o lian Agradesementu ne’e iha Seremonia Inagurasaun Sistema be mos ne’ebe maka hetan Apoiu Tekniku no Matreal husi Plan Internasional, hodi kanaliza be mos ba Eskola no Komunidade sira ne’ebe hela besik iha Areadores eskola nian. Tamba ne’e koordenadora Eskola ne’e hateten lori eskola nia naran hamutuk ho Komunidade Leo-Telo Suku Mau-Chiga Senti kontenti no Agradese ba Ajudus husi Plan Internasional.

“Ami Eskola no Komunidade tomak senti kontenti no Orgullu tebes ba Ajudus ne’ebe maka ami hetan husi Plan Internasional.  Implementasaun Servisu dada be tekniku Plan hamutuk ho Komunidade sira, hodi servisu secara Swadaya hanesan kontribuisaun husi komunidade Leo-Telo 1 ho 2 nian. Hau lori Eskola nia naran hato’o ami nia agradese wain ba Responsabel Plan Internasional ho Estruktura tomak ne’ebe ho laran luak ho domin bo’ot tebes mai ami ohin loron ami hetan ona be mos. Ami mo’os agradese ba Responsabel Maharu ho nia Estruktura tomak.” Hateten Maria Imaculada de Araujo Koordenadora Eskola EBF Leo-Telo 19/07/2021.

Imaculada kuntinua hatutan nia parte mo’os Agradeze ba Apoiu husi Fundasaun Maharu  ne’ebe maka apoiu ona Matreal hanesan lutu haleu Eskola,Kria to’os eskola Inklui Matral sira seluk liga ba iha Redusaun Risku Dezastre.

Aleende ida ne’e ligado ho kanalizasaun be mos, Tuir Manager Programa ba be no Saniamentu Jose Antonio da Silva ba Jornalista Radio Komunidade Maubisse Mauloko Klarifika katak, Orsamentu ne’ebe maka apoiu husi Plan Internasional Liu husi Matreal ne’ebe oferese ba Knalizasaun ida ne’e besik Dolares Rihun Lima ($5.000) Alende ida ne’e hetan mo’os konstribuisaun husi Komunidade Sira.

“Plan fo’o Apoiu teknik deit hamutuk ho SAS, depois komunidade maka servisu hodi realija sira nia mehi. Liu-liu iha be mos ne’e iha ne’e besik kilo ida ita fo’o apoiu kompostu husi torneira foun tolu, depois torneira ha’at ita halo reabilitasaun  uluk CVTL maka dada hela ba sira. Osan ne’ebe maka ita fo’o apoiu ne’e besik Cinco Mil depois hetan mos kontribuisaun husi Komunidade  sira hanesan Servisu maun de obra depois ai-han sira ne’ebe maka sira han lor-loron hodi halo servisu ida ne’e husi Komunidade sira nia Kontribuisaun.” Hateten Manager Program be no Saniamentu husi Plan Internasional ba Jornalista RKMM 19/07/2021.

Enteranto be’e ne’ebe Inagura dadaun ne’e sei benefisia ba Manorin nain  sira ho total Estudante Atus Rua Ha’at Tolu Nolu Resin Sia (239) iha Eskola EBF 1,2 Leo-Telo, no Komunidade sira ne’ebe maka hela besik iha Area Eskola.

Jornalista         Joaquim de Fátima Countinho

Editor              Moises da Silva Magno

0 0 votes
Article Rating
Subscribe
Notify of
guest
0 Comments
Inline Feedbacks
View all comments