by

Kondisaun Eskola EBF Manetu Maubisse Grave

Kondisaun Eskola EBF Manetu Maubisse fo’o ameasa ba vida Estudante no manorin nain wanhira halao Prosesu de Apredisazen iha sala laran.

Ho kondisaun ne’e Tersa loron 27 fulan jullu foin lalais ne’e ba Jornalista Radio Komunidade Maubisse Mai-Loko Koordenador Eskola EBF ne’e, Alberto Rodrigues Lopes hateten, Eskola ida ne’e ne’e anin loke iha loron 4 fulan Abril liu ba, maibe to’o ohin loron seidauk hetan tulu ruma husi Governo maske dadus sumpmete ona ba iha Edukasaun Municipio Ainaro. Tamba ne’e obrigado tenki dada deit lona hodi fasilita materia ba iha Estudante sira.

“Ami nia Eskola ne’e anin loke komesa dia 4 de Abril, to’o agora ami hatama ona pedidu ba iha Edukasaun Municipio Ainaro maibe seidauk hetan no rona rejultado ruma. Ami iha ne’e be mos mo’os laiha hodi tein merenda Eskolar ba labarik sira, tamba ne’e ami tenki kuru iha Posu hafoin tein merenda ba labarik sira.”Tenik Alberto Rodrigues Lopes ba Jornalista RKMM 27/07/2021

Koordenador Eskola ne’e kuntinua dehan tan katak iha Eskola EBF ne’e Manorin nain menus, maka hanesan Permanente nain ha’at, Kontratadu nain rua no Parsial nain ha’at ba total Estudante atus tolu sia nolu (390). Tamba ne’e nia Parte Rekomenda ba Miniteriu Edukasaun Juventude no Desportu atu aumenta tan Numenru Professores iha Eskola refere.

Iha fatin hanesan Mo’os tuir Reprejentate inan aman Eskola EBF Manetu Maubisse Antonio Mendonça Bendito nia parte mo’os prokupa ho kondisaun eskola ne’ebe maka fo’o tebes ameasa bo’ot ba estudante sira.

“Eskola ne’e ami hari’i iha 2012, anin loke iha dia Quarto surat ba Ainaro trus hela deit la hatene Nai Ulun sira kala dukur hela maka ne’e ka lahatene. Durante iha dia 4 de Abril mai to’o agora tama ona Agostu seidauk tau matan deit, labarik sira loron-loron mai hela eskola mas ami tauk  hela ba anin, tamba sei anin mai tan maka loke kalens sira tesi tia labarik sira hanesan inan aman ami senti lakon. Tamba ne’e hau husu ba Oitavo Governo Liu-liu ba Ministeriu Edukasaun atu tau matan ba Ami nia Eskola ida ne’e.” Haktenik Antonio Mendonça ba Jornalista RKMM

Ligado ho prokupasaun ne’e tuir Direktur Nasional Pre Eskolar Ministeriu Edukasaun Juventude no Desportu, Wanhira Vizita no Hare direita kondisaun Eskola ne’e,  Domingos Belo Soares mo’os rekuinese kondisaun eskola EBF suku Manetu. Tuir nia hateten, tuir lolos eskola ne’e tama mo’os iha Situasaun emergenjia, maibe tuir informasaun ne’ebe hetan husi Inpektur Pre Eskolar Municipio Ainaro no Inspektur Eskola Postu Administrativo Maubisse Zona B katak Eskola EBF Suku Manetu tama iha Plano Municipio Ainaro nian ba Konstrusaun Foun.

“ Kondisaens ba Eskola ida ne’e hau foin hare mo’os hau hanesan laran taridu oitoan tamba nia ne’e tuir lolos ne’e tama iha situasaun Emergenjia nia laran iha fulan Abril Dezastre Naturais ne’ebe akontese iha Dili iha fatin hot-hotu ita hetan anin udan bo’ot, ohin hau hare kondisaun ne’e la diak duni tamba anin udan estraga. Ne’ebe ohi hau mo’os husu hela informasaun husi Inspektur Pre Eskolar Municipio nian no Inspektur Encino Baciku nian katak Eskola ida ne’e tama iha plano estsbelesementu Konstrusaun Municipio Ainaro Nian.” Dehan Domingos Belo Soares Direktur Nasional Pre Eskolar Ministeriu Edukasaun Juventude Desportu.

Nia kuntinua hatutan sei fo’o apoiu maximu husi Municipio Ainaro nian liu husi Plano sira ne’ebe maka hato’o ona husi Municipio ba Nivel Nasional. Karik la realija maka sei buka meus servisu hamutuk ho Parseiru sira hodi taka Provisoriu bele fasilita dadaun Prosesu de Aprendosazen iha Eskola ne’e.

Entertanto total Estudantes iha Eskola ne’e hamutuk Atus Tolu Sia Nolu (390) Kompostu husi Feto no Mane,Manorin nain Permanente nain rua, Kontraktadu nain ha’at, no Parsial nain Ha’at.

Jornalista         Natalino Mendonça    

Editor              Moises da Silva Magno

Comment