by

Direktur Nasaional Pre Eskolar Vizita Pre Eskolar Dorabi Edi Maubisse

Direktur Nasaional Pre Eskolar Ministriu Edukasaun Juventude Desportu Vizita  Pre Eskolar Dorabi Suku Edi Maubisse.

Loron 28 Fulan Jullu ne’e Direktur Nasional Pre Eskolar, Responsabel Programa Edukasaun husi Organizasaun Plan Internasional, Inspektur Pre Eskolar Municipio Ainaro Hamutuk ho Inpektur Ensinu Baciku Postu Administrativo Maubisse Zona A Kuntinua halao Vizita iha Pre Eskolar Komunitario Edi Dorabi Maubisse.

Objetivo husi Vizita ida ne’e hodi hare Direita Kondisaun eskola no Estudante sira, alende ida ne’e mo’os hodi halao enkontru hamutuk ho inan aman sira kona ba lalaok Pre Eskolar ne’e iha ba futuru. Liu husi koperasaun no involvementu komunidade sira nian iha Eskola.

Iha Surumutuk ne’ebe maka halao  ho inan aman sira iha Pre Eskolar Dorabi Suku Edi Postu Administrativo Maubisse Municipio Ainaro. Inspektur Eskolar Postu Administrativo Maubisse Zona A Pedro Mendonça  hateten atu Dezemvolve Pre Eskolar ne’e lao ba oin Presija tebes unidade husi inan ho aman sira. Basa iha Dorabi rasik mo’os iha tan oan Eskola Paralelu ida ida ne’e hari husi inan aman sira ne’ebe maka oras ne’e dadaun Prosesu de Aprendisazen lao hela kompostu husi sala rua ho total Estudante 60.

“Ne’ebe hau hanoin atu motiva deit ita bo’ot sira katak hahu ohin ba oin ne’e Pre Eskolar ne’e sei lao tamba ohin ami mo’os kolia ona Direktur, dehan katak nia sei la taka matan Presija deit unidade ne’e maka tenki iha. Premeiru unidade hudi inan aman,labarik sira, para leten mo’os bele unidade se ia se kata, hodi dezemvolve mo’os eskola Filial Dorabi be’ebe maka iha ne’e Para aban bainru Dorabi ne’e bele sai Sigundo kota suku Edi nian liu husi Edukasaun.” Tenik Pedro Mendonça Inspektur Eskolar Poatu Administrativo Maubisse Zona A 28/07/2021.

Iha Surumutuk ida ne’e mo’os Direktur Nasional Pre Eskolar Ministeriu Edukasaun Juvetude Desportu Domingos Belo Soares dehan katak, liu husi surumuruk ida ne’e hodi kolia hamutuk ho inan aman sira kona saida maka atu halo hodi kuntinua dezemvolve Pre Eskolar ne’e lao na oin.

“Eskola laiha Problema ida bele lao ba oin,Pontu interogasaun ba ita maka ne’e ita tu’ur hamutuk hanesn ne’e para ita hanoin futuru ne’e saida maka ita atu halo. Tamba ita nia Paresiru sira ne’e hanesan be’e ida ajuda mai ita to’o loron ida be sei maran tamba ne’e antes atu maran diak liu ita buka kedan.Apoiu tomak ba ita bo’ot sira importante maka servisu hamutuk  unidade ne’e maka importante. Tamba iha lei ne’eba hateten dehan inan aman 50% no Governo  50% , I Parseiru sira mai kompleta tan ita, realidade maka uma iha hanesan agora dadaun Parseiru sira Apoiu matreal inan aman sira maka servisu direita.” Haktenik Domingos Belo Saores ba Komuidade sira iha Pre Eskolar Dorabi Suku Edi Maubisse 28/07/2021.

Alende ida ne’e mo’os total Estudante iha Pre Eskolar Komunitario Edi Dorabi hamutuk Rua Nolu Resin Lima, Kompostu husi Feto no Mane.

Entertanto vizita hanesan halao mo’os iha Pre Eskolar Manetu,Manaelobas,Mau-Lau no Pre Eskolar Suku Fatubesi Postu Administrativo Maubisse Municipio Ainaro

Jornalista         Natalino Mendonça

Editor              Moises da Silva Magno

Comment