Administrador Municipio Ainaro Inagura Sistema Be mos iha EBF 1, 2 Leo-Telu Mau-Chiga

0
539 views

Administrador Municipio Ainaro ho Direktur Edukasaun Municipio Ainaro no Plan Internasional, Inagura Sistema Be mos iha Eskola EBF1,2 Leo-Telu Suku Mau-Chiga.

Seremonia ingurasaun ida ne’e halao iha Eskola EBF 1,2 Leo-Telo Suku Mau-Chiga Segunda Loron 19 fulan Jullu ne’e. Kanalizasaun ba be’e mos ida ne’e,  Servisu Voluntario husi Komunidade Sira no hetan Apoiu Tekniku no matreal husi Parseiru Dezemvolvementu Plan Internasional. Alende ida ne’e  Sistema be mos ida ne’e laos deit kanaliza ba iha Eskola maibe fornese mos Torneira ba iha Komunidade sira ne’ebe maka hela besik iha areadores Eskola nian. Hafoin de Seremonia Inagurasaun iha Diskursu Administrador Municipio Ainaro  hateten, agradese ba Direktur  Edukasaun Municipio Ainaro liu husi kooperasaun no servisu hamutuk ne’ebe maka halao entre Edukasaun ho Parseiru Dezemvolvementu Plan Internasional ho Fudasaun Maharu, hodi kanaliza Sistema be mos ne’ebe maka inagura dadaun ne’e iha Leo-Telo Suku Mau-Chiga Postu Administrativo Hato-Builico Municipio Ainaro. Administrador Municipio Ainaro Kuntinua hateten ho Presenja Plan Internasional iha Municipio Ainaro hakman ona Governo nia Plano balun liu husi Plan Internasional ho Fudasaun Maharu.

“Hau hanesan Administradir Senti Orgullu teb-tebes tamba presenja ita nia Parseitu Dezemvolvementu sira bele hatutan knar balun husi Governo Sentral mai Municipio. Tamba sira hakman ona Governo nia Planu balun liu husi Plan no Maharu.Hau agradese ba Direktur Edukasaun Municipio Ainaro bele servisu hamutuk ho ita nia Parseiru sira bele tau mo’os Planu ba tinan oin tamba ita nia Plan iha Programa barak ne’ebe sei estabelese iha Municipio Ainaro.” Hateten Administrador Municipio Ainaro 19/07/2021.

Iha biban ida ne’e mo’os reperejentatante Komunidade Leo-Telu  hanesan mo’os Manorin nain iha Eskola EBF 1,2 Leo-Telu Domingos da Costa Ximenes, hateten lori komunidade Leo-Telo agradese ba Plan Internasional ne’ebe apoiu tekniku no Matreal ba kanalizasaun Sisteama be mos ida ne’e ba Eskola no komunidade sira ne’ebe maka hela besik iha Areadores Eskola nian.

“Eskola Leo-Telu no Komunidade Leo-Telo tomak ami Apresia no Orgullu bo’ot, I ami husu harohan ba Nai Maromak atu fo’o Bensaun nafatin ba Direktur Plan Municipio no Nasional. Tamba temi maka Organizasaun Internasional maibe mesak Timor-Oan maka tu’ur iha fatin sira ne’e.” Hateten Domingos da Costa Ximenes.

Ximenes kuntinua dehan katak tuir lolos be ida ne’e kanaliza deit ba iha Eskola, maibe liu husi Plan nia tulun be ida ne’e kanaliza mo’os ba iha Komunidade sira ne’ebe maka hela besik iha Area Eskola nian tamba Komunidade sira mo’os halerik hela ba iha be mos. Tamba ne’e ba oin Eskola EBF Leo-Telo no Komunidade sira sei Presija nafatin Plan Internasional nia tulun liu husi Matreal sira, no komunidade Leo-Telo Suku Mau-Chiga Prontu nafatin atu servisu ho Voluntariomente.

Entertanto Sistema Be mos ida ne’e inagura husi Administrador Municipio Ainaro, Akompaña husi Direktur Edukasun Municipio Ainaro, Reprejentante Plan Husi Nasional, Jerente Plan Municipio Ainaro, Inspektur Eskolar Postu Hato-Builico, Direktur Eskola EBC Be-Ubu Nunumoge ho Estruktura, no Responsabel Eskola EBF Lao-Telu, Autoridade Komunitario,Komunidade Inklui Estudantes sira.

Jornalista         Joaquim de Fátima Countinho

Editor              Moises da Silva Magno

0 0 votes
Article Rating
Subscribe
Notify of
guest
0 Comments
Inline Feedbacks
View all comments