Surumutuk Entre Responsabel Cooperativa Café Timor CCT ho Komprador Café iha Maubisse.
Surumuruk ida ne’e halao iha fatin Fabrika Café Aitalu Postu Admistrativo Maubisse Municipio Ainaro Kinta loron 10 fulan Junho ne’e. Alende ida ne’e mo’os Sesta Loron 11 fulan Junho 2021 CCT hahu ona sosa komunidade sira nia café hosi Municipio Manufahi no Municipio Ainaro. Tamba ne’e liu hosi Surumutuk ne’ebe maka halao ne’e hodi esplika kona regras sira wainhira komprador sira tun ba direita sosa komunidade sira nia café iha baje, hanesan Suprvisor Sertifikasaun café CCT Eduardo Mendonca hateten.
“Surumutuk ida ne’e para fo hanoin ba ita nia agen sira ne’ebe maka hola petani nia café atu premeiru la bele hamatak Povu nia kafe folin. Sigundu ba tetu café kilo sanulu dehan kilo sanunlu la bele dehan fali kilo sia, kilo atus ida dehan kilo atus ida la bele dehan fali kilo sia nolu ida ne’e maka la bele ida ne’e maka objetivo ba ohin loron nian. Ida ne’e maka regras ne’ebe maka ami fo’o atu la bele lori café dodok mai iha ne’e tenki lori café ne’ebe maka tuir regras organic nian.” Hateten Superviso Sertifikasaun café ba Jornalista Racom Maubisse 10/06/2021.
Iha fatin hanesan mo’os Supervisor Cooperativa Café Timor Unit Ainaro Agustino Mendonca ne’ebe maka toma konta mo’s Municipio Ainaro ho Manufahi, Inklui Postu Administrativo Hatobulico, Maubisse no Turizcai, Kuntinua hateten ba Jornalista radio Komunidade Maubisse Mauloko Cooperativa café Timor sosa café tenki tuir Kriteria sira ne’ebe estabelese iha CCT.
“Sosa café tuir nia Kriteria ne’ebe maka estabelese iha Cooperativa Café Timor. Café ne’ebe maka tasak ne’e maka ami sosa, hau direita tun laos dehan katak hau maka atu tun direita ba iha hau nia komunidade sira, maibe hau orienta hau nia servisu ba Asisten Supervisor sira ne’ebe maka iha fatin lima hanesan ohin hau hau mensiona”. Hateten Agostino Mendonca ba Jornalista Radio Komunidade Maubisse Mauloko 10/06.2021.
Entetanto Café folin ba tinan ida ne’e Sosa direita iha to’os Komunidade sira nian ho nia presu $0.34 centavos, no Komunidade sira maka lori Direita ba iha Fabrika ho nia Presu $0.40 centavos.
Jornalista :Junior Martins Villa
Editor :Moises da Silva Magno
