Fundasaun Maharu Liu husi Hospital Referal Maubisse Sensibilza informasaun kona ba Prevensaun Covid-19 no Vasinasaun ba Autoridade Komunitaria Postu Maubisse.
Aktividade sensibizasaun ida ne’e halao iha salaun Hospital Refereal Maubisse Sesta loron 11 fulan Junho 2021. Objetivo hosi Sensibilazasaun ida ne’e, hodi fahe informasaun liga ba evolusaun Covid-19 no Vasinasaun tamba Pandemia Covid-19 sai Prokupasaun global iha Mundu ne’ebe maka afeita mo’os iha ita nia Nasaun Timor Leste.
Liga ho ida ne’e Responsabel Fundasaun Maharu Bonifacio Sereno Ramalho ba Jornalista Radio Komunidade Maubisse Mauloko Konfirma katak sensibuzasan ida ne’e impotante tebes ba komunidade sira tamba komunidade sira iha area remotas falta informasaun.
“Objetivo ne’ebe maka ohin ita hetan Kooperasaun ho Directora Hospital Refereal Maubisse atu halao sebsibilazasaun kona ba covid-19 no mo’os Vasinasaun ne’ebe maka ita nia Governo liu husi Ministeriu Saude atu bele halao iha teritoiu tomak. Sensibilizasaun ne’e imprtante tebes ne’ebe ita konvida husi Xefe do suku sira ne’ebe ejisti iha Postu Administrativo Maubisse, Komandante Esqudra Maubisse,e Professores sira Reprejenta husi Director no Koordenador Eskola sira iha Maubisse, hanesan Mo’os Eskola Tekniku Profesional Agrikultura nian. Tuir ita nia Plano aktividade ida ne’e ita halao deit iha Postu Administrativo Maubisse.” Hateten Responsbel Fundasaun Maharu ba Jornalista Radio Komunidade Maubisse Mauloko 11/06/2021.
Iha fatin hanesan Mo’os Directora Hospital Referal Maubisse Gabriela da Conçeicão Magno Pereira haktuir mo’os katak.
“Ohin ne’e iha aktividade ne’ebe maka husi Fundasaun Maharu kakarak servisu hamutuk ho Hospital Referal Maubisse atu fahe informasaun ba ita nia lideransa komunitaria sira, Professor sira kona ba Covid-19 Swab test, no mo’os vasina ne’ebe maka agora dadaun ita halao hela iha Timor Leste. Servisu hamutuk ida ne’e diak teb-tebes tamba ami hanesan ami ema ne’ebe maka servisu iha area Saude ninian presija tebes suporta ida ne’e maka hanesan Fundasaun Maharu halo ne’e, ba liders komunitaria sira atu sira mo’os bele ba habelar infoformasaun ne’ebe maka lo’os atu nu’une’e komunidade sira bele komprende liu tan, liu-liu ita hatene katak vasina ne’e lao dadauk ona atu tama ba iha komunidade sira ho ida ne’e ema bele komprende hakarak mai simu vasina.” Hateten Directora Hospital Referal Maubisse 11/06/2021.
Alende ida mo’os aktividade Teste Swab iha Hospital Referal Maubisse nafatin lao hanesan baibain iha loron servisu nian hanesan Directora Hospital Referal Maubisse ne’e hateten.
“Iha ne’e Swab ita halao hanesan bai-bain iha oras servisu nian ba sira ne’ebe maka atu halo viagen ita fasilita Swab test depois ba sira ne’ebe maka moras mai konsulta iha Hospital labele tauk tamba ita la naran halo Swab deit karik iha ita diskunfia hanesan suspeitu ita halo Swab maibe se moras bai-bain laiha liga, laiha viagen ita halo tratamentu hanesan bai-bain ne’ebe la bele tauk”. Kuntinua tenik Directora Hospital Referal Maubisse.
Responsabel Maximu Hospital Referal Maubisse ne’e kuntinua hatutan husu ba komunidade sira atu hakbesi an ba iha vasilidade saude sira karik hetan moras ruma. Kona ba vasina atu husu informasaun iha Pesoal saude sira ne’e ne’ebe maka destakado iha suku sira nune’e bele hakbesik an ba Postu Saude sira ne’ebe maka sei tau mo’os vasina iha ne’eba.
Jornalista :Nonny Martins
Editor :Moises da Silva Magno
