Familia Vitima Inundasaun Tarabula Maulau Simu Matreal Konstrusaun uma hosi Balarat Australia Liu Husi Adjunta Administrador Municipiu Ainaro.

Ba Jornalisra Radio Komunidade Maubisse Mauloko Adjunta Administrador Municipio Ainaro Aguida Judit Mendonca hafoin distribui Matreal Konstrusaun ba Familia Vitima Inundasaun Rai halai ho Simbolikamente ne’ebe akompanha hosi Administrador Municipio Ainaro hamutuk ho Administrador Postu Administrativo Maubisse iha Suku Edi loron 2 Fulan Junho ne’e haktuir.

“Apoia ne’ebe maka ita halo ona ba Vitima ne’ebe maka lakon ninia oan mane ho nia ferik oan no oan nain tolu  hamutuk sira nain lima, ne’ebe maka lakon tiha ona maibe nafatin ita konsideira hela ba aman ho inan ne’ebe maka sofre hela tamba ne’e maka ita apoia mo’os ba iha Vitima ida ne’e. I hare mo’os ba iha nia uma ne’ebe maka risku besik kedan ba iha rai ne’ebe maka monu ne’e hanehan ninia oan sira ne’ebe maka lakon ona vida.Tamba ne’e maka ita apoiu ba nia ita husu para atu konstroi hikas uma ida iha fatin ne’ebe maka siguru”. Hateten Adjunta Administrador ba Racom Maubisse 02/06/2021.

Sekretaria Municipio Ainaro ne’e kuntinua dehan Apoiu ne’ebe maka hanesan Oferese Mo’os ba Familia Kbi’it laeik nain rua iha Postu Administrativo Hato-Udo Municipio Ainaro.Ba oin sei kuntinua nafatin Apoiu hanesan iha Postu Administrativo Hatobuilico.

Entertanto Apoiu hirak ne’e mai hosi Sidade Amiga Balarat Australia liu hosi Administrasaun Municipio Ainaro. Ba oin sei kuntinua nafatin servisu hamutuk  ho Sidade Amiga Balarat Australia.

Jornalista         : Augostu Alves

Editor              : Moises da Silva Magno