Uma nain no uma oan, kai feto san ho umane sira, Suku Dut ba Lisan Hatilu Liurai Iha Tartahi Maubisse, Aktividade kultural refere akontese iha uma lisan hotu nebe kada uma lisan sempre halo wainhira uma lisan refere kleur no tuan ona precisa halo rekunstrusaun.

Seremonia kulturais suku uma Lisan refere halao iha Tartahi Haut Maubisse Mauloko Suku Maubisse villa iha loron 27 fulan Maio 2021. Iha biban ida ne’e Lia nain Fransisco Albertu Carlos  hanesan  jerasaun foun haktuir Serimonia suku dut ba uma lisan Hatilu Liurai  ne ho lian Mambae tuir beiala sira  hanaran (tau Kena nor tau Malo Lian Lokal)

“Ohin ami e hahu suku uma ita ho lian maka ita dehan suku maibe deste Abo sira nian hararan tau kena  tau Maloida ne’e maka ohin ita hotu hamutuk iha fatin ida ne’e, e uma ne’e nia naran maka Liurai Hatilu”. Hateten Francisco ba Jornalista Radio Komunidade Maubisse Mauloko 27-05-2021.

Nia parte mos haktuir, wainhira atu hahu suku uma lisan refere,  ba dahuluk oho nan hanesan bibi fahi no manu hafoin suku dut ba uma lisan ne’e.

“Oho nan hanesan fahi bibi asu ho manu maibe sei  iha tan nia siknifika fahi ho relasaun saida no bibi ho relasaun Saida entau buat rua ne’e idak-idak ho nia objetivo ida ne’ebe maka hanesan fahi ne’e uma nain maka Prepara hosi oan mane sira hodi hein fali nia kai ka feto san sira. Maibe ba Bibi kai no feto san sira maka sei lori.”(*)

Entertantu serimonia ba suku dut uma lisan hatilu liu rain  tartehi maubisse  lao ho diak to remata, no hetan Partisipasaun Masimu tebes hosi familia sira halao ho seremonia kulturai hanesan tebe no bidu tuir Tradisaun Lisan ida ne’e nian.

Jornalista Augusto Alves

Editor Moises Magno