Pontu Fokal Edukasaun Municipio Ainaro agradese ba Plan Internasional Ho Nia Parseiru Fundasaun Maharu.
Lian Agradesemento ne’e hato hosi Pontu fokal Edukasaun Municipio Ainaro Gaudensio Lopes Ligado ho Apoi hirak ne’ebe maka halao hosi Plan Internasional ho nia Parseiro Maharu ba Implementasaun Programa iha Eskola Tarjeito sira hanesan Halo Bronjog ba satan netik Eskola Hosi Mota, haris Fatin ba Eskola Inklui mo’os halo dapur ba Eskola, no Mo’os Saniamentu iha Eskola Eskola.
“Agradese ba Plan Internasional ho maharu ne’ebe maka durante ne’e fo Apoiu buat Lubuk ida ba Edukasaun liu-liu Eskola Tarjetu Sanolu Resin nen. Tuir Lolos Programa ne’ebe maka sira halao ne’e knar hosi Ministeriu Edukasaun maibe ita hotu akompanha katak tinan tolu nia laran orsamentu laiha tan ne’e ami agradese ba Plan Internasional inklui mo’os Maharu ne’ebe maka Ajuda ona parte Edukasaun.”Hateten Pontu fokal Edukasaun Municipio Ainaro Gaudensio Lopes ba Racom Maubisse Mauloko 27.05.2021
Pontu Fokal Edukasaun Municipio Ainaro ne’e kontinua hateten Tuir lolos Programa hirak ne’e hotu halao ne’e knar hosi Ministeriu Edukasaun Nian, Maibe Durante Tinan Tolu ona Edukasaun Laiha Orsamentu hodi halao ida ne’e. Tamba ne’e Lori Ministereu Edukasaun Nia Naran Agardese ba iha apoiu hirak ne’e.
Jornalista Joaquim Coutinho
Editor Moises Magno
