Foin Sa’e Rua Nolu Resin Partisipa Iha Formasaun Fotografer iha Municipio Ainaro

0
440 views

Foin Sa’e Rua Nolu Resin Partisipa Iha Formasaun Fotografer iha Municipio Ainaro.

Formasaun ida ne’e organiza hosi Organizasaun Nao Govermental NAFOFILA, ne’ebe maka halao iha Municipio ainaro Sexta Loron 28 Fulan Maio 2021 iha Municipio Ainaro.

Ba  Jornalista Radio Komunidade Maubisse Mauloko  Jerente ba Ba Programa hosi NAFOFILA Selviana de Fatima Miranda hateten, Objetivo hosi formasaun ida ne’e hodi hase koinesemento foin sa’e sira nian, atu bele iha koinesementu kona ba Jornalimu nian oisa atu hasai foto no oinsa mo’os atu Publika hikas iha Media.

 “Objetivo hosi Formasaun ida ne’e oinsa ita atu kapasita ita nia foin sa’e sira atu bele hatetene kona ba saida maka jornalismu liu-liu ita liga ba Oinsa atu sira foti foto, wainhira ita foti foto ita tenki hateene Objetivo hosi foto ne’e rasik atu nune’e bainhira sira Publika iha Media karik ema bele komprende katak foto ida ne’e mai ho nia objetivo ne’ebe maka la hanesan,”Hateten Selviana de Fatima Miranda ba Racom Maubisse Mauloko 28-05-2021.

Selviana Kuntinua hateten aktividade ne’e sei iha nafatin nia kuntinua aun ba oin, alende ida ne’e Apresia  ba formador ne’ebe fasilita ona formasaun ba foin sa’e liu hosi teoria no Pratika.

Hanesan Partisipantes Leonisia de Araujo Lopes hateten nia parte apresia tebes ho formasaun ne’ebe maka organiza hosi NGO NAFOFILA. Tuir Juventude ne’e hateten dala barak hatene foto maibe sira rasik  la hatene objetivo hosi foto.

 “Hau senti Orgulho no Apresia ba Momentu Furak ida ne’e, Laos hau Mesan E Nome Centru Juventude Municipio Ainaro ami bele aprende maiske la dun klean maibe ami bele hatene itoan kona ba ida ne’e. Dala barak ita hatene hasai foto maibe ita rasik la hatene funsaun hosi foto sira ne’ebe maka ita hasai ona.”Haktuir Psrtisipante ba formasaun Leonisia de Araujo Lopes ba Jornalista Racom Maubisse 28-05-2021

Formasaun ida ne’e organiza hosi Fundasaun NAFOFILA iha Municipio Ainaro no Fasilita Direita hosi Jestor Radio Komunidade Maubisse Mauloko Joaquim de Fatima Coutinho.

Jornalista Joaquim Coutinho

Editor Moises Magno

0 0 votes
Article Rating
Subscribe
Notify of
guest
0 Comments
Inline Feedbacks
View all comments